Entocort

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Entocort

Opna mína lyfseðla
Lyf gegn þarmabólgum

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: BúdesóníðSkráð 1. apríl 1993

Entocort, sem inniheldur sterann búdesóníð, er lyf við bólgusjúkdómum og ofnæmiseinkennum. Lyfið bælir myndun efna sem framkalla bólgur og virkja ónæmiskerfið, og það hefur almennt sömu áhrif og svokallaðir sykursterar sem myndast í nýrnaberki. Ristilbólga og Crohns-sjúkdómur eru bólgusjúkdómar í þörmum og ristli. Bólguhemjandi verkun lyfsins vinnur á einkennum þessara sjúkdóma. Búdesóníð hefur þann kost að þegar það er tekið inn eða innhellislyfið er notað dreifist mjög lítill hluti skammtsins um líkamann, og áhrif þess verða því að mestu bundin við slímhúð meltingarvegarins.

Tafla 3 mg Hylki

Notkun á lyfjum

LyfjaformForðahylki til inntöku og innhellislyf í endaþarm.
Venjulegar skammtastærðirForðahylki: 6-9 mg í einum skammti fyrir morgunmat. Innhellislyf: Ein innhelling í endaþarm að kvöldi. Hylkin gleypist heil með vatnsglasi. Má ekki tyggja þau.
Hversu langur tími uns verkun kemur framBúdesóníð byrjar strax að vinna á bólgunum en yfirleitt líða 2-4 vikur þangað til að sjúklingur verður fyrir áhrifum af lyfinu.
VerkunartímiEkki að fullu þekktur en bólgurnar koma smám saman aftur ef sjúkdómurinn er til staðar og töku lyfsins er hætt.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráði við lækni. Ef lyfið hefur verið tekið í stórum skömmtum eða í langan tíma þarf að minnka skammta smám saman áður en töku lyfsins er hætt.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða ef vart verður við einhver óvenjuleg einkenni skal hafa samband við lækni.
LangtímanotkunÆskilegt er að læknir fylgist reglulega með árangri meðferðarinnar.

Aukaverkanir

Algengustu aukaverkanir lyfsins eru einkenni frá meltingarvegi. Lyfið getur haft almenn barksteraáhrif. Afleiðingarnar geta verið kringluleitara andlitslag, beinþynning og hömlun á vexti.

Algengar aukaverkanir (>1%):
  • Meltingartruflanir, vindgangur
    Leitið til læknis
  • Ógleði og uppköst
    Leitið til læknis
  • Óreglulegar tíðablæðingar
    Leitið til læknis
  • Sjóntruflanir
    Leitið til læknis
  • Skapgerðarbreytingar
    Leitið til læknis
  • Svefnleysi
    Leitið til læknis
  • Vöðvakrampar
    Leitið til læknis
  • Útbrot, kláði, bjúgur
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með háan blóðþrýsting
  • þú sért með langvarandi lifrar- eða nýrnasjúkdóm
  • þú sért með magasár
  • þú sért með ofnæmi fyrir virka efninu eða einhverju hjálparefnanna
  • þú sért með sykursýki
  • þú takir einhver önnur lyf
  • þú sért með beinþynningu
  • þú sért með augnsjúkdóm
MeðgangaTakmörkuð reynsla er af notkun lyfsins hjá þunguðum konum.
BrjóstagjöfEkki er vitað hvort lyfið berst í brjóstamjólk.
BörnTakmörkuð reynsla er af notkun lyfsins fyrir börn.
Eldra fólkVenjulegar skammtastærðir.
AksturLyfið getur valdið sjóntruflunum og þar með haft áhrif á aksturshæfni. Ekki aka bíl fyrr en reynsla er komin á það hvaða áhrif lyfið hefur.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirBannað í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.