Lymecycline Actavis

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Lymecycline Actavis

Opna mína lyfseðla
Sýklalyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: LymecyclineSkráð 1. júlí 2015

Lymecycline Actavis tilheyrir flokki tetracýklín sýklalyfja. Sýklalyf í þessum flokki eru breiðvirk, þ.e. þau virka á margar tegundir sjúkdómsvaldandi baktería. Lymecycline Actavis er ætlað til meðferðar við miðlungsalvarlegum til alvarlegum þrymlabólum. Þrymlabólur sem geta verið svartar eða hvítar og eru oft kallaðar fílapenslar eða unglingabólur. Eins og önnur breiðvirk sýklalyf getur tetracýklín raskað eðlilegri bakteríuflóru líkamans. Því getur fylgt aukin hætta á sýkingum af völdum sveppa eða baktería sem eru ónæmar fyrir lyfinu.

Notkun á lyfjum

LyfjaformHylki til inntöku
Venjulegar skammtastærðir1 hylki daglega
Hversu langur tími uns verkun kemur framEinstaklingbundið
Þörf á að breyta mataræði meðan lyfið er tekiðFrásog Lymecycline Actavis verður ekki fyrir áhrifum af miðlungsmiklu magni af mjólk (t.d. glasi). Lymecycline Actavis skal ávallt taka með glasi af vatni.
Ef skammtur gleymistEf þú gleymir að taka skammt skalt þú einfaldlega taka hann þegar þú manst eftir því og halda síðan áfram eins og venjulega, nema tími sé kominn til að taka næsta skammt. Ekki á að tvöfalda skammt til að bæta upp skammt sem gleymst hefur að taka. Þú skalt aldrei taka fleiri hylki en læknirinn ráðleggur.
Ef tekinn er of stór skammturEf of stór skammtur af lyfinu hefur verið notaður, eða ef barn hefur í ógáti tekið inn lyfið skal hafa samband við lækni, sjúkrahús eða eitrunarmiðstöð (sími 543 2222).
LangtímanotkunMeðferð skal haldið áfram í a.m.k. 8 vikur til 12 vikur, en hins vegar er mikilvægt að takmarka notkun sýklalyfja við eins stutt tímabil og hægt er og hætta notkun þeirra þegar frekari bati er ólíklegur. Meðferð skal ekki haldið áfram í meira en 6 mánuði.

Aukaverkanir

í vinnslu

Algengar aukaverkanir (>1%):
  • Flökurleiki, uppköst og ógleði
    Leitið til læknis
Sjaldgæfar aukaverkanir (<1%):
  • Andnauð, bólga í munni og koki
    Leitið strax til læknis

Milliverkanir

Eftirtalin lyf skal ekki taka á sama tíma og Lymecycline Actavis, þar sem þau geta haft áhrif á hversu vel Lymecycline Actavis virkar. Þessi lyf skal taka a.m.k. tveimur klukkustundum fyrir eða eftir töku Lymecycline Actavis: - lyf við meltingartruflunum - lyf við magasárum - quinalapríl (við háum blóðþrýstingi) - bætiefni sem innihalda kalsíum, ál, magnesíum, zink eða járn - dídanósín (notað við HIV)

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • grunur leiki á um þungun eða hvort þú ráðgerir að verða þunguð
MeðgangaEkki má nota Lymecycline Actavis ef þú ert þunguð.
BrjóstagjöfEkki má nota Lymecycline Actavis ef þú ert með barn á brjósti.
BörnLyfið er ekki ætlað börnum yngri en 12 ára. Börn eldri en 12 ára nota sömu skammta og fullorðnir
AnnaðLæknirinn getur ákveðið að minnka skammtinn ef um er að ræða skerta nýrnastarfsemi.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.