Antepsin

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Antepsin

Opna mína lyfseðla
Lyf við sársjúkdómi

Lausasölulyf/Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: SúkralfatSkráð 1. janúar 1986

Antepsin, sem inniheldur virka efnið súkralfat, er notað við maga- og skeifugarnarsárum. Lyfið binst betur sködduðum vef í maga og skeifugörn en heilum vef. Verkun lyfsins er staðbundin við meltingarveg og er margvísleg. Súkralfat myndar verndandi himnu yfir sárin með því að bindast próteinum á yfirborði þeirra. Það hefur sýrubindandi verkun og dregur úr sýrumagni. Súkralfat hefur bein áhrif á ensím í magasafa sem kallast pepsín, og hefur það hlutverk að sundra próteinefnum, en súkralfat minnkar virkni þessa ensíms. Einnig bindur efnið gallsýru. Ef sýrubindandi lyf eru notuð samtímis súkralfati verður að taka þau minnst hálfri klukkustund fyrir eða eftir töku súkralfats. Súkralfat frásogast nánast ekkert frá meltingarveginum.

Tafla 1 g Tafla

Notkun á lyfjum

LyfjaformTöflur til inntöku.
Venjulegar skammtastærðir1 g í senn 2-4 sinnum á dag. Lyfið á að taka ½-1 klst. fyrir mat og fyrir svefn. Takist með vatnsglasi.
Hversu langur tími uns verkun kemur framUm 1 klst. eftir stakan skammt.
VerkunartímiUm 6 klst. eftir stakan skammt.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEinkenni sjúkdómsins geta aftur komið fram þegar töku lyfsins er hætt. Ekki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða ef vart verður við óvenjuleg einkenni skal hafa samband við lækni.
LangtímanotkunÁn vandkvæða.

Aukaverkanir

Eins og almennt gildir um lausasölulyf eru aukaverkanir sjaldgæfar þegar farið er eftir reglum um notkun og venjulegar skammtastærðir eru notaðar. Algengasta aukaverkun lyfsins er hægðatregða sem kemur fram hjá um 2% þeirra sem nota lyfið.

Algengar aukaverkanir (>1%):
  • Hægðatregða
    Leitið til læknis
  • Ógleði
    Leitið til læknis
Sjaldgæfar aukaverkanir (<1%):
  • Útbrot, kláði
    Leitið til læknis

Milliverkanir

Æskilegt er að láta líða um 2 klst. á milli töku súkralfats og annarra lyfja þar sem það getur bundist ýmsum lyfjum í meltingarveginum og dregið úr áhrifum þeirra. Súkralfat getur dregið úr frásogi segavarnalyfja og tetracýklínsambanda, auk lyfja eins og dísúlfírams (lyf við áfengissýki/sníklalyf) og digoxíns (hjartalyf).

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með ofnæmi fyrir virka efninu eða einhverju hjálparefnanna
  • þú sért með skerta nýrnastarfsemi
  • þú takir einhver önnur lyf
MeðgangaTakmörkuð reynsla er af notkun lyfsins hjá þunguðum konum.
BrjóstagjöfEkki er vitað hvort lyfið berst í brjóstamjólk.
BörnLyfið er ekki ætlað börnum.
Eldra fólkVenjulegar skammtastærðir.
AksturLyfið hefur ekki áhrif á aksturshæfni.
ÁfengiGetur ert magaslímhúð. Æskilegt er að halda áfengisneyslu í lágmarki meðan lyfið er tekið.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.