Oracea

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Oracea

Opna mína lyfseðla
Sýklalyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: DoxýcýklínSkráð 1. desember 2011

Doxýcýklín tilheyrir flokki tetracýklín sýklalyfja. Sýklalyf í þessum flokki eru breiðvirk, þ.e. þau virka á margar tegundir sjúkdómsvaldandi baktería. Oracea er ætlað til meðferðar við nabba- og graftarmyndun hjá fullorðnum einstaklingum með rósroða í andliti. Eins og önnur breiðvirk sýklalyf getur doxýcýklín raskað eðlilegri bakteríuflóru líkamans. Því getur fylgt aukin hætta á sýkingum af völdum sveppa eða baktería sem eru ónæmar fyrir lyfinu.

Tafla 40 mg Hylki

Notkun á lyfjum

LyfjaformHylki til inntöku.
Venjulegar skammtastærðir40 mg á dag, að morgni. Hylkin takist með vatnsglasi. Má ekki taka þau inn útafliggjandi.
Hversu langur tími uns verkun kemur framEkki að fullu þekkt.
Verkunartími24 klst. eftir stakan skammt.
Þörf á að breyta mataræði meðan lyfið er tekiðEngin.
GeymslaGeymist í lokuðum, upprunalegum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsTaktu lyfið eins lengi og læknir segir til um eða ljúktu við skammtinn sem var úthlutaður, jafnvel þótt einkenni sýkingarinnar séu ekki lengur til staðar. Annars er hætta á því að sýkingin nái sér aftur upp og bakteríur myndi ónæmi fyrir lyfinu.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru mjög stórir skammtar eða ef vart verður við einhver óvenjuleg einkenni skal hafa samband við lækni.
LangtímanotkunDoxýcýklín er venjulega ekki notað lengi í senn. Meta skal meðferðina eftir 6 vikur og eins 4 vikum eftir að meðferð lýkur.

Aukaverkanir

Algengustu aukaverkanir lyfsins eru sýkingar í efri öndunarvegi, niðurgangur og hár blóðþrýsingur.

Algengar aukaverkanir (>1%):
  • Háþrýstingur
    Leitið til læknis
  • Höfuðverkur
    Leitið til læknis
  • Kvíði
    Leitið til læknis
  • Kviðverkir, niðurgangur
    Leitið til læknis
  • Mislitun glerungs hjá börnum
    Leitið til læknis
  • Munnþurrkur
    Leitið til læknis
  • Sveppasýking
    Leitið til læknis
  • Sýking í efri öndunarvegi
    Leitið til læknis
  • Verkir
    Leitið til læknis
Sjaldgæfar aukaverkanir (<1%):
  • Hiti, slappleiki, lystarleysi og marblettir
    Leitið strax til læknis
  • Mikill höfuðverkur, ógleði og uppköst
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Kalk, þ.m.t. mjólk, og járn verður að gefa a.m.k. 3 klst. frá inntöku lyfsins.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með ofnæmi fyrir tetracýklín lyfjum
  • þú sért með vöðvaslensfár (myasthenia gravis)
  • þú takir einhver önnur lyf
  • þú sért með skerta lifrarstarfsemi
  • þú sért með sýruþurrð
  • þú eigir tilhneigingu til að fá sveppasýkingu
MeðgangaLyfið getur aukið líkur á fósturskaða sé það notað á meðgöngu.
BrjóstagjöfLyfið berst í brjóstamjólk og getur fræðilega haft áhrif á barnið.
BörnLyfið er ekki ætlað börnum yngri en 12 ára.
Eldra fólkVenjulegar skammtastærðir.
AksturLyfið hefur ekki áhrif á aksturshæfni.
ÁfengiGetur dregið úr áhrifum lyfsins, sérstaklega hjá áfengissjúklingum.
ÍþróttirLeyft við æfingar og í keppni.
AnnaðSólarljós eykur líkur á ljósnæmi meðan á meðferð stendur.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.