Antabus

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Antabus

Opna mína lyfseðla
Lyf gegn fíkn

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: DísúlfíramSkráð 1. desember 1972

Antabus er notað við áfengissýki. Virka efnið dísúlfíram hindrar niðurbrot efnis (asetaldehýðs) sem myndast þegar alkóhól er brotið niður í lifur. Undir venjulegum kringumstæðum er asetaldehýð skammlíft í líkamanum eftir neyslu alkóhóls, en þegar dísúlfíram er til staðar safnast asetaldehýð fyrir. Í miklu magni veldur asetaldehýð óþægindum, s.s. roða í andliti, höfuðverk, andþyngslum, uppköstum og hröðum hjartslætti. Antabus er þannig notað í samráði við sjúkling til að tryggja áfengisbindindi hans.

Tafla 400 mg Tafla

Notkun á lyfjum

LyfjaformFreyðitöflur til inntöku.
Venjulegar skammtastærðir800 mg á dag í upphafi, síðan minnkað í 200 mg á dag og að lokum í 400 mg annan til þriðja hvern dag.
Hversu langur tími uns verkun kemur fram12-24 klst.
VerkunartímiAllt að 3 sólarhringar.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða vart verður við einhver óvenjuleg einkenni skal hafa samband við lækni. Einkenni ofskömmtunar eru lengi að koma fram, eða 10-20 klst.
LangtímanotkunLyfið er ekki ætlað til notkunar í langan tíma í senn.

Aukaverkanir

Algengar aukaverkanir (>1%):
  • Andremma, málmbragð í munni
    Leitið til læknis
  • Höfuðverkur, sljóleiki
    Leitið til læknis
  • Meltingartruflanir, niðurgangur
    Leitið til læknis
  • Skapbreytingar
    Leitið til læknis
Sjaldgæfar aukaverkanir (<1%):
  • Gula
    Leitið til læknis
  • Útbrot og mikill kláði
    Leitið til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með gúmmíofnæmi
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú sért með alvarlegan hjartasjúkdóm
  • þú sért með geðsjúkdóm
MeðgangaTakmörkuð reynsla er af notkun lyfsins á meðgöngu.
BrjóstagjöfLyfið berst í brjóstamjólk og getur haft áhrif á barnið.
BörnLyfið er ekki ætlað börnum.
Eldra fólkVenjulegar skammtastærðir.
AksturLyfið getur valdið sljóleika og skert aksturshæfni. Ekki aka bíl fyrr en reynsla er komin á það hvaða áhrif lyfið hefur.
ÁfengiAlls ekki neyta áfengis meðan töflurnar eru teknar, ekki 2 klst. áður og ekki í 2 vikur eftir.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.