Digoxin DAK (Lyfjaver)

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Digoxin DAK (Lyfjaver)

Opna mína lyfseðla
Hjartasjúkdómalyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: DigoxínSkráð 13. júlí 2023

Digoxin DAK (Lyfjaver) er hjartalyf. Virka efnið digoxín eykur samdráttarkraft hjartans og hægir á hjartslætti. Digoxín er notað til þess að viðhalda starfsemi hjartans og eðlilegu blóðflæði um líkamann eftir hjartabilun. Áhrif þess eru mest þegar hjartsláttaróregla fylgir hjartabiluninni, þ.e. þegar gáttir hjartans flökta eða hjartsláttur er of hraður. Digoxín er einnig notað við hraðtakti í hjartanu þegar sjúklingar þola ekki önnur lyf sem eru notuð við þessu ástandi. Læknandi skammtar digoxíns eru litlu minni en þeir skammtar sem valda eitrunum og því þarf að gæta sérstakrar varúðar þegar lyfið er notað.

Tafla 62,5 mcg Tafla

Notkun á lyfjum

LyfjaformTöflur til inntöku.
Venjulegar skammtastærðirSkammtar eru einstaklingsbundnir og háðir aldri, þyngd og plasmaþéttni.
Hversu langur tími uns verkun kemur fram30-120 mín.
VerkunartímiEkki að fullu þekktur.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er í næsta skammt skaltu sleppa skammtinum sem gleymdist og halda áfram að taka lyfið eins og venjulega. Ekki taka tvo skammta í einu. Hafðu samband við lækni ef lyfið gleymist í tvo eða fleiri daga í röð.
Hvernig á að hætta töku lyfsinsEinkenni sjúkdómsins geta versnað þegar töku lyfsins er hætt. Ekki hætta töku lyfsins nema í samráði við lækni.
Ef tekinn er of stór skammturHafðu samband við lækni í öllum tilfellum. Við bráða ofskömmtun koma einkenni fram eins og ógleði, uppköst og eiturverkanir á hjarta. Við of háa skammta í langan tíma koma fram einkenni eins og vanlíðan, máttleysi, sjóntruflanir og óreglulegur hjartsláttur.
LangtímanotkunÁn vandkvæða. Æskilegt er að fylgst sé reglulega með þéttni digoxíns og salta í blóði.

Aukaverkanir

Aukaverkanir lyfsins eru yfirleitt skammtaháðar.

Algengar aukaverkanir (>1%):
  • Höfuðverkur, þreyta
    Leitið til læknis
  • Lystarleysi, niðurgangur
    Leitið til læknis
  • Ógleði og uppköst
    Leitið til læknis
  • Óreglulegur hjartsláttur
    Leitið strax til læknis
Sjaldgæfar aukaverkanir (<1%):
  • Sjóntruflanir
    Leitið til læknis

Milliverkanir

Náttúrulyfið Jóhannesarjurt getur dregið úr virkni lyfsins.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun
  • þú sért með langvarandi lifrar- eða nýrnasjúkdóm
  • þú sért með of- eða vanvirkan skjaldkirtil
  • þú sért með ofnæmi fyrir virka efninu eða einhverju hjálparefnanna
  • þú sért með öndunarfærasjúkdóm
  • þú takir einhver önnur lyf
MeðgangaEngin þekkt áhætta er af notkun lyfsins á meðgöngu.
BrjóstagjöfLyfið berst í brjóstamjólk en í venjulegum skömmtum er ólíklegt að það hafi áhrif á barnið.
BörnSkammtar eru einstaklingsbundnir fyrir börn.
Eldra fólkSkammtar eru einstaklingsbundnir fyrir eldra fólk.
AksturLyfið skerðir ekki aksturshæfni. Aukaverkanir lyfsins gætu haft áhrif á akstur, hver og einn þarf að meta getu sína til aksturs.
ÁfengiÍ litlum skömmtum hefur áfengi ekki áhrif á verkun lyfsins. Sjúklingar með hjartabilun ættu þó alltaf að halda áfengisneyslu í lágmarki.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.