Zovirax

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Zovirax

Opna mína lyfseðla
Veirusýkingalyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: AcíklóvírSkráð 1. janúar 2019

Zovirax er notað við veirusýkingum. Acíklóvír, virka efnið í lyfinu, hindrar myndun erfðaefnis herpesveira og stöðvar þannig fjölgun þeirra. Þegar veira er stöðvuð reynist ónæmiskerfi líkamans auðveldara að vinna á sýkingunni. Ónæmisbældir einstaklingar, t.d. alnæmissjúklingar, gætu þurft að nota lyfið til langs tíma því að þeir ná síður að vinna á veirunni. Lyfið hefur mest áhrif sé það strax notað í byrjun á sýkingu, eða á meðan veiran er ennþá að fjölga sér. Acíklóvír er notað við sýkingum af völdum herpesveira.

Notkun á lyfjum

LyfjaformMixtúra til inntöku.
Venjulegar skammtastærðirHerpes simplex sýkingar: Fullorðnir og börn eldri en 2ja ára 2,5 ml (200 mg) á 4 klst. fresti, 5 sinnum á dag, á vökutíma, í 5-10 daga. Ristill: Fullorðnir 10 ml (800 mg) á 4 klst. fresti, 5 sinnum á dag, á vökutíma, í 7 daga. Mikilvægt er að drekka nægilegan vökva meðan á meðferð stendur.
Hversu langur tími uns verkun kemur framÁhrif geta komið fram innan sólarhrings.
VerkunartímiUm 8 klst. eftir stakan skammt.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsTaktu lyfið eins lengi og læknir segir til um eða ljúktu við skammtinn sem var úthlutaður, jafnvel þótt einkenni sýkingarinnar séu ekki lengur til staðar. Annars er hætta á því að sýkingin nái sér aftur upp og að veirur myndi ónæmi fyrir lyfinu.
Ef tekinn er of stór skammturEf of stór skammtur af lyfinu hefur verið notaður, eða ef barn hefur í ógáti tekið inn lyfið skal hafa samband við lækni, sjúkrahús eða eitrunarmiðstöð (sími 543 2222). Of stórir skammtar geta valdið ógleði og uppköstum.
LangtímanotkunLyfið er yfirleitt ekki notað yfir lengri tíma.

Aukaverkanir

Algengustu aukaverkanir eftir inntöku lyfsins eru útbrot og koma fram hjá um 3% þeirra sem taka lyfið.

Algengar aukaverkanir (>1%):
  • Hiti, þreyta
    Leitið til læknis
  • Höfuðverkur, sundl
    Leitið til læknis
  • Kviðverkir, niðurgangur
    Leitið til læknis
  • Ógleði og uppköst
    Leitið til læknis
  • Útbrot, kláði
    Leitið til læknis
Sjaldgæfar aukaverkanir (<1%):
  • Gula
    Leitið strax til læknis
  • Hiti, slappleiki, lystarleysi og marblettir
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun
  • þú sért með ofnæmi fyrir virka efninu eða einhverju hjálparefnanna
  • þú sért með skerta nýrnastarfsemi
  • þú takir einhver önnur lyf
  • þú sért með skert ónæmiskerfi
MeðgangaTakmörkuð reynsla er af notkun lyfsins hjá þunguðum konum.
BrjóstagjöfEkki nota lyfið meðan á brjóstagjöf stendur.
BörnLyfið er ekki ætlað börnum undir 2ja ára aldri.
Eldra fólkLyfið getur skilist hægar úr líkamanum, minni skammtar eru oft notaðir.
AksturLyfið er ekki talið hafa áhrif á hæfni til aksturs.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.