Mycofenolsýra Accord

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Mycofenolsýra Accord

Opna mína lyfseðla
Lyf til ónæmisbælingar

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: MýcófenólsýraSkráð 1. janúar 2020

Mycofenolsýra Accord er kröftugt ónæmisbælandi lyf og er notað til að hindra það að ígræddu líffæri verði hafnað. Það sem takmarkar helst árangur líffæraflutninga er það vandamál að ónæmiskerfi líkamans snýst gegn nýja líffærinu og skemmir það. Til þess að koma í veg fyrir að svo fari þarf að gefa ónæmisbælandi lyf ævilangt eftir líffæraígræðslu. Mycofenolsýra Accord er notað samfara ciklósporíni og barksterum.

Tafla 180 mg Tafla

Notkun á lyfjum

LyfjaformTöflur til inntöku.
Venjulegar skammtastærðir720 mg í senn 2svar á dag. Töflurnar takist heilar með vatnsglasi, alltaf annaðhvort með eða án matar, með sama hætti á hverjum degi. Ekki má brjóta, tyggja né mylja töflurnar.
Hversu langur tími uns verkun kemur framHámarksblóðþéttni næst eftir 1½-2 klst. frá inntöku. Áhrif á sjúkdóminn koma fram eftir mun lengri tíma.
VerkunartímiA.m.k. 24-48 klst. við venjulega skammta.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita, varið gegn ljósi og þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu. Ef fleiri en einn skammtur gleymist skaltu hafa samband við lækni.
Hvernig á að hætta töku lyfsinsÁstand getur versnað þegar töku lyfsins er hætt. Ekki hætta töku lyfsins nema í samráði við lækni.
Ef tekinn er of stór skammturEf of stór skammtur af lyfinu hefur verið notaður, eða ef barn hefur í ógáti tekið inn lyfið skal hafa samband við lækni, sjúkrahús eða eitrunarmiðstöð (sími 543 2222). Alltaf skal hafa samband við lækni ef þú tekur meira af lyfinu en þú áttir að gera.
LangtímanotkunLyfið er ætlað til langtímanotkunar.

Aukaverkanir

Algengustu aukaverkanir lyfsins eru fækkun hvítra blóðkorna og niðurgangur.

Algengar aukaverkanir (>1%):
  • Höfuðverkur
    Leitið til læknis
  • Hósti
    Leitið til læknis
  • Meltingartruflanir, hægðatregða og niðurgangur
    Leitið til læknis
  • Ógleði, uppköst, kviðverkir, vindgangur
    Leitið til læknis
  • Sýkingar
    Leitið til læknis
  • Þreyta, hækkaður líkamshiti
    Leitið til læknis
  • Hiti, slappleiki, lystarleysi og marblettir
    Leitið strax til læknis
Sjaldgæfar aukaverkanir (<1%):
  • Gula
    Leitið til læknis
  • Útbrot
    Leitið til læknis
  • Breyting á blóðþrýstingi, bjúgur
    Leitið strax til læknis
  • Mæði
    Leitið strax til læknis
  • Svartar eða blóðugar hægðir, blóð í þvagi
    Leitið strax til læknis

Milliverkanir

Vegna ónæmisbælandi áhrifa lyfsins verður að gæta varúðar við bólusetningu með lifandi bóluefni. Nota má sýrubindandi lyf sem innihalda ál og magnesíum annað slagið en ekki daglega.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú sért með meltingarfærasjúkdóm
  • þú hafir verið bólusettur nýlega eða þurfir á bólusetningu að halda
MeðgangaLyfið eykur líkur á fósturskaða sé það notað á meðgöngu. Konur á barneignaaldri ættu að nota örugga getnaðarvörn á meðan lyfið er tekið og í 6 vikur eftir að töku þess er hætt.
BrjóstagjöfEkki er vitað hvort lyfið berst í brjóstamjólk. Hætta skal brjóstagjöf á meðan lyfið er tekið.
BörnLyfið er ekki ætlað börnum.
Eldra fólkVenjulegar skammtastærðir.
AksturLyfið hefur ekki áhrif á aksturshæfni.
ÁfengiEkki neyta áfengis meðan lyfið er tekið.
ÍþróttirLeyft við æfingar og í keppni.
AnnaðTakmarka skal sólarljós og útfjólubláa geisla á húðina.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.