Diamox

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Diamox

Opna mína lyfseðla
Glákulyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: AcetazólamíðSkráð 1. desember 1972

Diamox er aðallega notað við gláku, en einnig sem þvagræsandi lyf og flogaveikilyf. Það er eitt af fyrstu þvagræsandi hjartalyfjunum sem uppgötvuðust. Virka efnið acetazólamíð hemur ensímið kolsýruanhýdrasa með þeim afleiðingum að útskilnaður tvíkarbónatjóna og ýmissa plúsjóna eykst, og þar af leiðandi verður vökvalosun úr líkamanum meiri. Þvagræsandi áhrifin vara hins vegar einungis í stuttan tíma og því hafa nýrri og betri lyf tekið við. Aðalnotkun acetazólamíðs í dag er við gláku. Ensímið kolsýruanhýdrasi á stóran þátt í vökvamyndun í auganu og með því að hemja það lækkar augnþrýstingurinn. Lyfið er venjulega ekki fyrsta val við gláku, heldur er það yfirleitt notað samhliða betablokkurum, t.d. tímólól.

Tafla 250 mg Tafla

Notkun á lyfjum

LyfjaformTöflur til inntöku.
Venjulegar skammtastærðirVið gláku: 125-250 mg í senn 3-4 sinnum á dag. Við flogaveiki: 8-30 mg á hvert kg líkamsþyngdar á dag í 3 skömmtum. Við bjúg: 5 mg á hvert kg líkamsþyngdar á dag eða annan hvern dag.
Hversu langur tími uns verkun kemur fram60-90 mín.
Verkunartími6-12 klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef vart verður við einhver óvenjuleg einkenni skal hafa samband við lækni.
LangtímanotkunYfirleitt án vandkvæða. Æskilegt er að fylgst sé reglulega með merg-, lifrar- og nýrnastarfsemi í líkamanum.

Aukaverkanir

Algengar aukaverkanir (>1%):
  • Minnkuð matarlyst, breytt bragðskyn
    Leitið til læknis
  • Þreyta, syfja
    Leitið til læknis
Sjaldgæfar aukaverkanir (<1%):
  • Hiti, slappleiki, lystarleysi og marblettir
    Leitið strax til læknis
  • Mikill magaverkur
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Lyfið hækkar blóðþéttni sumra sykursýkilyfja sem tekin eru inn um munn.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með Addisonssjúkdóm
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með sykursýki
  • þú sért með öndunarfærasjúkdóm
  • þú takir einhver önnur lyf
MeðgangaNokkur hætta er á því að lyfið hafi áhrif á fóstur.
BrjóstagjöfLyfið berst í brjóstamjólk og getur haft áhrif á barnið.
BörnLyfið er ekki ætlað börnum.
Eldra fólkMeiri líkur eru á aukaverkunum. Minni skammtar eru oft notaðir.
AksturLyfið hefur ekki áhrif á aksturshæfni.
ÁfengiLyfið veldur einnig auknum vökvaútskilnaði og því eru meiri líkur á vökvaskorti og timburmönnum ef drukkið er meðan lyfið er tekið. Haltu neyslu áfengis í lágmarki.
ÍþróttirBannað í og utan keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.