Simbrinza

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Simbrinza

Opna mína lyfseðla
Glákulyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: Brimonidin, BrinzólamíðSkráð 1. janúar 2015

Simbrinza er notað við gláku. Gláka stafar af ójafnvægi milli framleiðslu augnvökva og frárennslis hans þannig að vökvinn safnast fyrir og þrýstingur í auganu hækkar. Þegar þrýstingurinn hækkar geta æðar til sjónhimnu þrengst og blóðflæði um þær minnkað. Ef ekki er brugðist við í tíma getur það valdið skemmdum í sjónhimnunni og jafnvel blindu. Gláka er flokkuð í tvær tegundir, þrönghorns- og gleiðhornsgláku, eftir því hvernig frárennsli augnvökvans er hindrað. Mismunandi lyf geta átt við eftir því um hvora tegundina er að ræða. Simbrinza er notað við gleiðhornsgláku og inniheldur tvö virk efni, brínzólamíð og brimonidin. Þau lækka bæði augnþrýsting með því að draga úr framleiðslu augnvökva, en gera það hvort með sínum hætti. Með því að nota þessi tvö virku efni saman eins og hér er gert má ná fram enn frekari lækkun á augnþrýstingi og er lyfið því notað við gláku þegar meðferð með tímólól eingöngu hefur ekki borið fullnægjandi árangur.

Notkun á lyfjum

LyfjaformAugndropar.
Venjulegar skammtastærðir1 dropi í auga 2svar á dag.
Hversu langur tími uns verkun kemur fram15-20 mín.
Verkunartími12 klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita og varið ljósi, þar sem börn hvorki ná til né sjá. Nota skal lyfið innan 4ra vikna frá því að innri umbúðir eru opnaðar.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsEkki hætta notkun lyfsins nema í samráði við lækni.
Ef tekinn er of stór skammturSkolaðu augað með volgu vatni. Ekki nota fleiri dropa þar til tími er kominn fyrir næsta reglulega skammt. Ef lyfið er tekið inn í ógáti skal hafa tafarlaust samband við lækni eða eitrunarmiðstöð Landspítala í síma 543 2222
LangtímanotkunFylgjast þarf reglulega með augnþrýstingi til að meta áhrif lyfsins. Einnig getur þurft að fylgjast með aukaverkunum þess, sérstaklega hvort það hefur áhrif á hjarta.

Aukaverkanir

.

Algengar aukaverkanir (>1%):
  • Munnþurrkur
    Leitið til læknis
  • Sundl
    Leitið til læknis
  • Vont bragð í munni
    Leitið til læknis
  • Augnóþægindi, -kláði og -sársauki
    Leitið strax til læknis
  • Einkenni frá augum: sviði, stingandi tilfinning, augnþurrkur, þokusýn, rauð augu og augnkláði
    Leitið strax til læknis
Sjaldgæfar aukaverkanir (<1%):
  • Augnþurrkur, ljósfælni og verkur í auga
    Leitið til læknis
  • Eirðarleysi, svefntruflanir
    Leitið til læknis
  • Óeðlilegir draumar, þunglyndi
    Leitið til læknis
  • Tvísýni
    Leitið til læknis
  • Bólga í andliti, vörum eða hálsi og öndunarerfiðleikar
    Leitið strax til læknis
  • Brjóstverkir, óreglulegur hjartsláttur
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • þú sért með ofnæmi fyrir virka efninu eða einhverju hjálparefnanna
  • Ofnæmi fyrir súlfalyfjum
MeðgangaEkki er mælt með notkun SIMBRINZA á meðgöngu.
BrjóstagjöfEkki er mælt með notkun SIMBRINZA við brjóstagjöf.
BörnLyfið er ekki ætlað börnum yngri en 18 ára.
AksturSjón getur orðið óskýr eða óeðlileg um stund strax eftir notkun SIMBRINZA. Hjá sumum sjúklingum getur SIMBRINZA einnig valdið sundli, sljóleika eða þreytu. Ekki aka eða nota vélar fyrr en einkennin eru liðin hjá.
AnnaðSIMBRINZA inniheldur rotvarnarefni (nefnist bensalkónklóríð) sem getur valdið ertingu í augum og sem þekkt er að misliti mjúkar augnlinsur. Forðist snertingu við mjúkar augnlinsur. Fjarlægið augnlinsur af augum fyrir notkun SIMBRINZA og bíðið a.m.k. í 15 mínútur eftir notkun áður en augnlinsurnar eru settar aftur á augun.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.