Norgesic

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Norgesic

Opna mína lyfseðla
Vöðvaslakandi lyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: Orfenadrín, ParacetamólSkráð 1. mars 1981

Norgesic inniheldur tvö virk efni, orfenadrín og paracetamól. Orfenadrín hefur vöðvaslakandi verkun og dregur úr sársauka vegna vöðvakrampa. Paracetamól er verkjastillandi og hitalækkandi. Norgesic er notað til að draga úr vöðvaverkjum í tengslum við tognun, liðhlaup, vöðvaskaða, ákveðnar sýkingar, bólgu í bandvef, þursabit, hálssveig, áverka á beinagrind og streituhöfuðverk. Norgesic er einnig notað við tíðaverkjum.

Tafla mg Tafla

Notkun á lyfjum

LyfjaformTöflur til inntöku.
Venjulegar skammtastærðir1-2 töflur í senn 3svar á dag. Hver tafla inniheldur 35 mg orfenadrín og 450 mg paracetamól.
Hversu langur tími uns verkun kemur fram1-2 klst.
VerkunartímiUm 8 klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsLyfið er venjulega tekið í skamman tíma í senn. Hætta má töku þess þegar einkenni eru ekki lengur til staðar.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Mjög stórir skammtar geta valdið lifrarskemmdum, en einkenni eitrunar koma oft ekki fram fyrr en eftir nokkra daga. Hafið því alltaf samband við lækni ef mjög stórir skammtar eru teknir þótt að ekki verði vart við nein einkenni.
LangtímanotkunLyfið er sjaldan notað í langtímameðferð. Þar sem það inniheldur paracetamól gæti verið hætta á nýrnaskaða sé lyfið notað í langan tíma.

Aukaverkanir

Um 15% þeirra sem taka lyfið finna fyrir einhverjum aukaverkunum.

Algengar aukaverkanir (>1%):
  • Ógleði, munnþurrkur
    Leitið til læknis
  • Sjóntruflanir
    Leitið til læknis
  • Þreyta, svimi
    Leitið til læknis
Sjaldgæfar aukaverkanir (<1%):
  • Útbrot og mikill kláði
    Leitið til læknis
  • Ofnæmisviðbrögð, útbrot, kláði og öndunarerfiðleikar
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með gláku
  • þú sért með hjartasjúkdóm
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með stækkun í blöðruhálskirtli
  • þú takir einhver önnur lyf
MeðgangaNotkun lyfsins er ekki ráðlögð hjá þunguðum konum.
BrjóstagjöfLyfið á ekki að nota meðan á brjóstagjöf stendur. Ekki er vitað hvort lyfið berst í brjóstamjólk.
BörnLyfið er ekki ætlað börnum.
Eldra fólkVenjulegar skammtastærðir.
AksturLyfið er slævandi og hefur því áhrif á viðbragðsflýti. Hver og einn verður að leggja mat á getu sína til aksturs og starfa sem krefjast óskertrar árvekni.
ÁfengiForðast skal áfengi meðan lyfið er tekið. Áfengi getur dregið úr áhrifum Norgesic og aukið hættu á lifrarskemmdum.
ÍþróttirLeyft við æfingar og í keppni.
AnnaðVirkir áfengissjúklingar mega ekki taka lyfið. Sjúklingar með lifrarsjúkdóm mega ekki taka lyfið. Stærri skammtar en ráðlagðir eru veita ekki betri verkjastillingu en hafa í för með sér hættu á mjög alvarlegum lifrarskemmdum.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.