Parapró

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Parapró

Opna mína lyfseðla
Bólgueyðandi lyf og gigtarlyf

Lausasölulyf

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: Íbúprófen, ParacetamólSkráð 1. mars 2021

Parapró inniheldur tvö virk innihaldsefni, paracetamól og íbúprófen. Paracetamól hefur bæði verkjastillandi og hitalækkandi verkun. Íbúprófen, sem flokkast til bólgueyðandi gigtarlyfja, hefur bólgueyðandi áhrif ásamt því að vera verkjastillandi og hitalækkandi. Vegna samverkandi eiginleika þá eykst verkjastillandi og hitalækkandi áhrifin þegar þau eru tekin inn saman og hentar því Parapró vel fyrir þá sem þurfa meiri verkjastillandi verkun en af paracetamóli eða íbúprófeni einu sér. Parapró er notað tímabundið meðal annars við hita, höfuðverk, bakverk, tíðaverk, tannverk, lið- og vöðvaverkjum, vægri liðagigt og kvef- og flensueinkennum.

Notkun á lyfjum

LyfjaformTöflur til inntöku.
Venjulegar skammtastærðirFullorðnir: 1-2 töflur í senn 1-3svar á dag í mest 3 daga. 6 klst skulu líða að minnsta kosti á milli skammta. Tekið inn með mat.
Hversu langur tími uns verkun kemur framum 15-20 mín en full verkun um 30-45 mín.
VerkunartímiYfirleitt um 4-6 klst.
Þörf á að breyta mataræði meðan lyfið er tekiðEngin.
GeymslaGeymið lyfið við herbergishita þar sem börn hvorki ná til né sjá.
Ef skammtur gleymistEf þú gleymir að taka Parapró skaltu taka skammtinn þegar þú manst eftir honum og næsta skammt minnst 6 klst. síðar. Ekki taka tvo skammta í einu.
Hvernig á að hætta töku lyfsinsLyfið er aðeins nota í skamman tíma og einungis þegar þörf er á.
Ef tekinn er of stór skammturEf of stór skammtur af lyfinu hefur verið notaður, eða ef barn hefur í ógáti tekið inn lyfið skal hafa samband við lækni, sjúkrahús eða eitrunarmiðstöð (sími 543 2222).
LangtímanotkunLyfið er aðeins til skammtímanotkunar.

Aukaverkanir

Algengar aukaverkanir (>1%):
  • Kviðverkir, ógleði, niðurgangur
    Leitið til læknis
Sjaldgæfar aukaverkanir (<1%):
  • Höfuðverkur, sundl
    Leitið til læknis
  • Höfuðverkur, sundl, þreyta
    Leitið til læknis
  • Brjóstsviði, blóðugar eða svartar hægðir og miklir kviðverkir
    Leitið strax til læknis
  • Stífleiki í hnakka, höfuðverkur, ógleði eða uppköst, hiti og áttavilla.
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með astma
  • þú sért með hjarta-, lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með rauða úlfa (lupus)
  • þú takir einhver önnur lyf
  • þú sért með hlaupabólu
  • þú hafir fengið magasár eða annan meltingarfærasjúkdóm
  • þú sért með hjarta- eða æðasjúkdóm eða fjölskyldusögu um slíkt
  • þú sért með óþol eða ofnæmi fyrir öðrum bólgueyðandi gigtarlyfjum lyfjum
  • þú sért með blóðstorknunarsjúkdóm
MeðgangaEkki má taka inn lyfið á fyrsta eða þriðja þriðjungi meðgöngu. Ekki er ráðlagt að taka inn lyfið á öðrum þriðjungi nema nauðsyn krefur. Nokkur hætta er á því að lyfið hafi áhrif á fóstur.
BrjóstagjöfLyfið berst í brjóstamjólk en ólíklegt að það hafi áhrif á barnið.
BörnLyfið er ekki ætlað börnum yngri en 18 ára.
Eldra fólkVenjulegar skammtastærðir en eru viðkvæmari fyrir aukaverkunum lyfsins.
AksturLyfið hefur ekki áhrif á aksturshæfni.
ÁfengiGetur aukið ertandi áhrif lyfsins á magaslímhúð.
ÍþróttirLeyft við æfingar og í keppni.
AnnaðVirkir áfengissjúklingar mega ekki taka lyfið. Sjúklingar með lifrarsjúkdóm mega ekki taka lyfið.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.