Paracetamol Baxter

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Paracetamol Baxter

Opna mína lyfseðla
Verkjalyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: ParacetamólSkráð 14. desember 2021

Paracetamól er verkjastillandi og hitalækkandi. Lyfið er ætlað til skammtímameðferðar við miðlungi alvarlegum verkjum, einkum eftir skurðaðgerðir og til skammtímameðferðar við sótthita.

Notkun á lyfjum

LyfjaformInnrennslislyf.
Venjulegar skammtastærðirHeilbrigðisstarfsmaður mun gefa þér parasetamól með innrennsli í æð. Skammtar fara eftir líkamsþyngd og almennu heilsufari.
Hversu langur tími uns verkun kemur framVerkjastillandi áhrif byrja að koma fram 5-10 mínútum eftir að gjöf er hafin og nær hámarki eftir 1 klukkustund. Hitalækkandi áhrif koma fram um 30 mínútum eftir að gjöf er hafin.
VerkunartímiVerkjastillandi áhrif: 4-6 klst. Hitalækkandi áhrif: a.m.k. 6 klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við eða undir stofuhita þar sem börn hvorki ná til né sjá.
Ef skammtur gleymistEf lyfið er tekið að staðaldri: Taktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsHætta má töku lyfsins þegar þess gerist ekki lengur þörf.
Ef tekinn er of stór skammturOfskömmtun er ólíkleg þar sem heilbrigðisstarfsmaður mun gefa þér lyfið. Einkenni ofskömmtunar geta verið ógleði, uppköst, lystarleysi, fölvi, kviðverkur og hætta á lifrarskemmdum. Ræddu tafarlaust við lækni ef þú eða barn þitt færð of mikið af þessu lyfi, jafnvel þó þér eða barninu virðist líða vel.
LangtímanotkunÁn vandkvæða.

Aukaverkanir

Eins og við á um öll lyf getur þetta lyf valdið aukaverkunum en það gerist þó ekki hjá öllum.

Sjaldgæfar aukaverkanir (<1%):
  • Blóðþrýstingsfall
    Leitið til læknis
  • Lasleiki
    Leitið til læknis
  • Ofnæmisviðbrögð, útbrot, kláði og öndunarerfiðleikar
    Leitið strax til læknis

Milliverkanir

Jóhannesarjurt getur dregið úr áhrifum paracetamóls.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaNota má Paracetamol Baxter á meðgöngu ef þörf krefur.
BrjóstagjöfNota má Paracetamol Baxter samhliða brjóstagjöf.
BörnSkammtar eru háðir líkamsþyngd.
Eldra fólkVenjulegar skammtastærðir. Lyfið veldur sjaldan aukaverkunum og hentar því vel eldra fólki.
AksturLyfið hefur ekki áhrif á aksturshæfni.
ÁfengiTakmarka á neyslu áfengis meðan á meðferð með þessu lyfi stendur.
ÍþróttirLeyft við æfingar og í keppni.
AnnaðVirkir áfengissjúklingar mega ekki taka lyfið. Sjúklingar með lifrarsjúkdóm mega ekki taka lyfið.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.