Selincro

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Selincro

Opna mína lyfseðla
Lyf gegn fíkn

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: NalmefemSkráð 1. júní 2013

Selincro inniheldur virka efnið nalmefen. Selincro er notað til að draga úr áfengisneyslu hjá fullorðnum sjúklingum með áfengissýki sem neyta ennþá mikils áfengis 2 vikum eftir fyrstu læknisheimsóknina. Áfengissýki er til staðar þegar einstaklingur er háður áfengisneyslu líkamlega eða andlega. Selincro hjálpar til við að draga úr áfengisneyslunni með því að hafa áhrif á þau ferli í heilanum sem valda lönguninni til að halda drykkjunni áfram.

Tafla 18 mg Filmuhúðuð tafla

Notkun á lyfjum

LyfjaformTöflur til inntöku.
Venjulegar skammtastærðirTaka á Selincro eftir þörfum. Sjúklingur á að taka eina töflu hvern þann dag sem hann finnur fyrir hættu á áfengisneyslu, helst 1-2 klst. fyrir þann tíma sem búast má við að drykkjan hefjist. Hafi sjúklingur hafið áfengisneyslu án þess að taka Selincro, á hann að taka eina töflu eins fljótt og auðið er. Hámarksskammtur Selincro er ein tafla á dag. Það má ekki skipta filmuhúðuðu töflunni eða mylja hana þar sem nalmefen getur valdið húðnæmingu við beina snertingu við húð.
Hversu langur tími uns verkun kemur fram1-2 klukkustundir.
VerkunartímiAllt að 3 sólarhringar.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistEf áfengisneysla er hafin án þess að Selincro hafi verið tekið, á að taka eina töflu eins fljótt og kostur er.
Hvernig á að hætta töku lyfsinsEkki hætta töku lyfsins nema í samráði við lækni.
Ef tekinn er of stór skammturEf þú telur að þú hafir tekið of margar Selincro töflur, skalt þú hafa samband við lækninn eða lyfjafræðing. Sími á eitrunardeild Landspítalans er 543 2222.
LangtímanotkunLyfið er ekki ætlað til notkunar í langan tíma í senn.

Aukaverkanir

Algengar aukaverkanir (>1%):
  • Flökurleiki, uppköst og ógleði
    Leitið til læknis
  • Höfuðverkur, sljóleiki, svimi eða svefntruflanir
    Leitið til læknis
  • Aukin svitamyndun, hraður hjartsláttur
    Leitið strax til læknis
Sjaldgæfar aukaverkanir (<1%):
  • Þunglyndi, geðsveiflur, kvíði, geðrof
    Leitið strax til læknis
  • Bólga í andliti, vörum eða hálsi og öndunarerfiðleikar
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú sért með alvarlegan hjartasjúkdóm
  • þú sért með geðsjúkdóm
MeðgangaEkki er mælt með notkun Selincro á meðgöngu.
BrjóstagjöfVið brjóstagjöf þarf að ákveða í samráði við lækninn hvort hætta eigi brjóstagjöfinni eða hætta Selincro meðferðinni, með kosti brjóstagjafar fyrir barnið í huga og kosti meðferðarinnar fyrir móðurina.
BörnEkki hefur verið sýnt fram á öryggi og verkun Selincro hjá börnum eða unglingum yngri en 18 ára.
Eldra fólkVenjulegar skammtastærðir.
AksturÁhrif þessa lyfs á akstur og notkun véla hafa ekki verið rannsökuð. Selincro getur valdið aukaverkunum eins og ógleði, svima, svefnleysi og höfuðverk. Flestar þessara aukaverkana voru vægar eða miðlungsalvarlegar, komu fyrir í byrjun meðferðar og stóðu yfir í fáeinar klukkustundir upp í fáeina daga. Þessar aukaverkanir geta haft áhrif á hæfni til aksturs eða alls annars sem krefst árvekni, þ.m.t. við stjórnun véla.
ÁfengiAlls ekki neyta áfengis meðan töflurnar eru teknar, ekki 2 klst. áður og ekki í 2 vikur eftir.
ÍþróttirLeyft við æfingar og í keppni.
AnnaðSelincro inniheldur mjólkursykur (laktósa). Leitið ráða hjá lækninum áður en þú byrjar að taka lyfið ef læknirinn hefur sagt þér að þú sért með óþol fyrir vissum sykrum.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.