Omeprazol Actavis

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Omeprazol Actavis

Opna mína lyfseðla
Lyf við sársjúkdómi

Lausasölulyf/Lyfseðilsskylt

Verðflokkur G/0: Lyfið er niðurgreitt og fellur inn í greiðsluþrepakerfiðVirkt innihaldsefni: ÓmeprazólSkráð 1. febrúar 2009

Ómeprazól, virka efnið í lyfinu, dregur úr myndun á magasýru. Það er notað við sársjúkdómi í maga og skeifugörn og bólgu í vélinda vegna bakflæðis magasýru. Það er einnig notað ásamt sýklalyfjum við sýkingu af völdum bakteríunnar Helicobacter pylori. Ef ekki tekst að uppræta Helicobacter-sýkingu veldur hún endurteknum magasárum en til þess að vinna á henni þarf bæði sýklalyf og lyf sem minnka magasýruframleiðslu. Ómeprazól hindrar seyti magasýru úr sýrumyndandi frumum. Lyfið dregur þannig úr framleiðslu magasýru. Aukaverkanir lyfsins eru fátíðar og fæstar þeirra alvarlegar.

Tafla 10 mg Hylki

Notkun á lyfjum

LyfjaformSýruþolin hylki til inntöku.
Venjulegar skammtastærðir20-40 mg á dag í 1-2 skömmtum. Hylkin gleypist heil með vatnsglasi. Má hvorki tyggja þau né mylja. Hylkin má opna, blanda út í matskeið af safa og drekka.
Hversu langur tími uns verkun kemur framÁhrif á framleiðslu magasýru: 11-22 mín. eftir inntöku.
VerkunartímiUm 24 klst. eftir stakan skammt.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEinkenni sjúkdómsins geta aftur komið fram þegar töku lyfsins hættir. Ekki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða ef vart verður við óvenjuleg einkenni skal hafa samband við lækni.
LangtímanotkunÁn vandkvæða. Fullur bati næst gjarnan innan 2-8 vikna.

Aukaverkanir

Algengustu aukaverkanir lyfsins eru óþægindi í meltingarvegi sem koma fyrir hjá 1-3% þeirra sem taka lyfið. Ef lyfið er tekið samtímis sýklalyfjum er tíðni aukaverkana hærri.

Algengar aukaverkanir (>1%):
  • Höfuðverkur
    Leitið til læknis
  • Kviðverkir og vindverkir
    Leitið til læknis
  • Niðurgangur, hægðatregða
    Leitið til læknis
  • Ógleði og uppköst
    Leitið til læknis
Sjaldgæfar aukaverkanir (<1%):
  • Gula
    Leitið til læknis
  • Hiti, slappleiki, lystarleysi og marblettir
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Náttúrulyfin Jóhannesarjurt og ginkgo geta dregið úr virkni lyfsins.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með ofnæmi fyrir einhverjum lyfjum
  • þú takir einhver önnur lyf
  • þú sért með skerta lifrarstarfsemi
MeðgangaEngin þekkt áhætta er af notkun lyfsins á meðgöngu. Ekki taka nein lyf á fyrstu 3 mánuðum meðgöngu nema í samráði við lækni.
BrjóstagjöfLyfið berst í brjóstamjólk en í venjulegum skömmtum er ólíklegt að það hafi áhrif á barnið.
BörnLyfið er ekki ætlað börnum yngri en 1 árs.
Eldra fólkVenjulegar skammtastærðir.
AksturLyfið getur valdið syfju og svima. Ekki aka bíl fyrr en reynsla er komin á það hvaða áhrif lyfið hefur.
ÁfengiGetur ert magaslímhúð. Æskilegt er að halda áfengisneyslu í lágmarki meðan lyfið er tekið.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.