Pethidine BP

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Pethidine BP

Opna mína lyfseðla
Verkjalyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: Petidín

Petidín er gefið við miklum verkjum. Petidín er sterkt verkjalyf með svipaða eiginleika og morfín, það hefur áhrif á miðtaugakerfið og hindrar það að sársaukaboð berist þangað. 80-100 mg af petidíni í vöðva hafa álíka verkjastillandi verkun og 10 mg af morfíni. Full verkun petidíns varir þó skemur en verkun morfíns, eða um 2-4 klst. Lyfið er oft notað við fæðingar. Það þykir ekki henta til að meðhöndla langvarandi verki vegna þess hve stutt verkun þess varir eftir hvern gefinn skammt. Ávanahætta af petidíni er mikil og sé lyfið gefið í langan tíma myndast þol við áhrifum þess.

Notkun á lyfjum

LyfjaformStungulyf í vöðva, æð eða undir húð.
Venjulegar skammtastærðirSkammtar eru einstaklingsbundnir og háðir aldri, því hversu miklir verkirnir eru og fyrri notkun verkjalyfja.
Hversu langur tími uns verkun kemur framNær samstundis eftir innspýtingu í æð en innan við 10 mín. eftir innspýtingu í vöðva eða undir húð.
VerkunartímiVerkun nær hámarki eftir um 1 klst. og full verkun er í u.þ.b. 3-5 klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistEf lyfið er tekið að staðaldri skaltu taka skammtinn sem fyrst og halda áfram að taka lyfið með sama millibili og áður. Ef lyfið er tekið við tilfallandi verkjum má sleppa skammtinum og taka lyfið þegar þörf krefur. Ekki taka tvo skammta í einu.
Hvernig á að hætta töku lyfsinsEf ástæður eru ekki lengur fyrir því að lyfið var upphaflega gefið má hætta notkun þess. Hafi lyfið verið tekið í langan tíma eða stórum skömmtum gætu komið fram fráhvarfseinkenni þegar töku þess hættir. Hafðu samband við lækni.
Ef tekinn er of stór skammturBanvænn skammtur fyrir fullorðna, tekið um munn, er um 1 g. Einkenni eru ógleði, sjóntruflanir, örvun á miðtaugakerfi, hitahækkun, hraður hjartsláttur, krampar, öndunarlömun og dá. Meðferð er tafarlaus vistun á gjörgæslu til að meðhöndla öndunarlömun. Naloxón er mótefni.
LangtímanotkunÁvanahætta er mikil og þörfin fyrir aukna skammta myndast fljótt. Fráhvarfseinkenni geta komið fram þegar notkun lyfsins er hætt.

Aukaverkanir

Algengar aukaverkanir (>1%):
  • Ógleði og uppköst
    Leitið til læknis
Sjaldgæfar aukaverkanir (<1%):
  • Útbrot og mikill kláði
    Leitið til læknis
  • Yfirlið
    Leitið til læknis
  • Hjartsláttartruflanir, hraður eða hægur hjartsláttur
    Leitið strax til læknis
  • Öndunarerfiðleikar
    Leitið strax til læknis
  • Þvagtregða
    Leitið strax til læknis

Milliverkanir

Áhrif petidíns geta líka aukist við samhliða gjöf annarra lyfja sem slæva miðtaugakerfið svo sem svæfingarlyfja, kvíðastillandi lyfja, svefnlyfja og áfengis.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með astma
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • öndun sé slævð
  • þrýstingur í heila sé aukinn
  • um lost sé að ræða
MeðgangaLyfið getur haft áhrif á fóstur og/eða nýbura.
BrjóstagjöfLyfið berst í brjóstamjólk en í venjulegum skömmtum er ólíklegt að það hafi áhrif á barnið.
BörnMinni skammtar eru notaðir.
Eldra fólkAuknar líkur eru á aukaverkunum, oftast eru minni skammtar notaðir.
AksturSjúklingar sem þurfa á petidíni að halda eru líklegast ekki í ástandi til að stjórna ökutækjum en lyfið sjálft hefur einnig sljóvgandi áhrif og skerðir aksturshæfni.
ÁfengiSljóvgandi áhrif petidíns aukast verulega við samtíma notkun áfengis.
ÍþróttirBannað í keppni.
FíknarvandamálPethidine BP getur verið vanabindandi. Ávanahætta er meiri eftir því sem skammtar eru stærri eða lyfið er notað í lengri tíma og hjá þeim sem hafa tilhneigingu til misnotkunar lyfja eða áfengis.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.