Brimonidin Bluefish

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Brimonidin Bluefish

Opna mína lyfseðla
Glákulyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: BrimonidinSkráð 1. apríl 2018

Virka efnið brimonidin, er notað til að lækka hækkaðan augnþrýsting hjá sjúklingum með hægfara gláku (gleiðhornsgláku) eða hækkaðan augnþrýsting. Lyfið er bæði notað eitt sér þegar ekki er hægt að nota beta-blokka eða sem viðbótarmeðferð með öðrum lyfjum sem lækka augnþrýsting. Talið er að brímónídín lækki augnþrýsting með því að draga úr myndun augnvökva og með því að auka útflæði frá æðahjúp og hvítu augans.

Notkun á lyfjum

LyfjaformAugndropar.
Venjulegar skammtastærðir1 dropi í auga 2svar á sólarhring á u.þ.b. 12 klst. fresti.
Hversu langur tími uns verkun kemur framHámarksverkun næst eftir 2 klst.
VerkunartímiA.m.k. 12 klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við eða undir stofuhita þar sem börn hvorki ná til né sjá. Nota skal lyfið innan 4ra vikna frá því að innri umbúðir eru opnaðar.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsEkki hætta að nota lyfið nema að ráði læknis.
Ef tekinn er of stór skammturEf fleiri dropar eru notaðir en mælt er fyrir um eru meiri líkur á aukaverkunum (sjá kafla um aukaverkanir). Ef lyfið er tekið inn fyrir slysni (drukkið) ætti strax að hafa samband við lækni eða sjúkrahús. Einkenni slíkrar ofskömmtunar eru meðal annars syfja, vöðvamáttleysi, lágur líkamshiti, fölvi og öndunarerfiðleikar.
LangtímanotkunFylgjast þarf reglulega með augnþrýstingi til að meta áhrif lyfsins.

Aukaverkanir

Algengustu aukaverkanir lyfsins eru munnþurrkur, aukin blóðsókn til augna og sviði eða stingur í augum. Augnofnæmi er einnig nokkuð algeng aukaverkun. Slík ofnæmiseinkenni koma yfirleitt fram 3-9 mánuðum eftir að meðferð hefst.

Algengar aukaverkanir (>1%):
  • Augnþurrkur
    Leitið til læknis
  • Brenglað bragðskyn
    Leitið til læknis
  • Einkenni frá efri öndunarvegi (líkist kvefi)
    Leitið til læknis
  • Einkenni frá meltingarfærum
    Leitið til læknis
  • Erting í auga, sjóntruflanir, ljósfælni
    Leitið til læknis
  • Höfuðverkur, sundl
    Leitið til læknis
  • Munnþurrkur
    Leitið til læknis
  • Syfja, þreyta, þróttleysi
    Leitið til læknis
  • Ofnæmisviðbrögð í auga
    Leitið strax til læknis
Sjaldgæfar aukaverkanir (<1%):
  • Hjartsláttarónot
    Leitið til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Ef önnur staðbundin augnlyf eru notuð samtímis, þurfa að líða a.m.k. 5-15 mín. á milli ídreypinga. Mælt er með að varúðar sé gætt þegar blóðþrýstingslækkandi lyf og/eða hjartaglýkósíðar eru notuð samtímis brimonidini.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með blóðrásarkvilla
  • þú sért með blóðþrýstingsvandamál
  • þú sért með hjarta- eða æðasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með skerta lifrar- eða nýrnastarfsemi
  • þú takir einhver önnur lyf
  • þú eigir við þunglyndi að stríða
MeðgangaTakmörkuð reynsla er af notkun lyfsins hjá þunguðum konum.
BrjóstagjöfEkki er vitað hvort lyfið berst í brjóstamjólk. Konur með barn á brjósti ættu ekki að nota lyfið.
BörnLyfið er venjulega ekki ætlað börnum og má ekki nota fyrir börn sem eru yngri en 2 ára.
Eldra fólkVenjulegar skammtastærðir.
AksturLyfið getur valdið þreytu og/eða syfju sem getur skert hæfni til aksturs. Lyfið getur einnig valdið tímabundnum sjóntruflunum, einkum að næturlagi eða í ljósaskiptum.
ÁfengiLyfið getur aukið áhrif áfengis.
ÍþróttirLeyft við æfingar og í keppni.
AnnaðRotvarnarefni í augndropunum getur skemmt mjúkar augnlinsur. Fjarlægja skal augnlinsur fyrir notkun og þær má setja í að nýju 15 mín. síðar.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.