Mirvaso

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Mirvaso

Opna mína lyfseðla
Húðlyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: BrimonidinSkráð 1. mars 2016

Mirvaso inniheldur virka efnið brimonidín, sem tilheyrir flokki lyfja sem kallast alfa-adrenvirkir viðtaka örvar. Lyfið er borið á húð í andliti til að meðhöndla húðroða í andliti vegna rósroða (rosacea) hjá fullorðnum sjúklingum. Roði í andliti af völdum rósroða stafar af miklu blóðflæði í húð andlitsins sem veldur útvíkkun lítilla æða í húðinni. Þegar Mirvaso er borið á húðina skreppa litlu æðarnar í húðinni saman aftur sem minnkar blóðflæði og roða.

Notkun á lyfjum

LyfjaformHlaup
Venjulegar skammtastærðirTil notkunar á andlit einu sinni á sólarhring, á hentugum tíma fyrir sjúklinginn, svo lengi sem roði í andliti er til staðar.
Hversu langur tími uns verkun kemur framHámarksverkun næst eftir 1-2 klst.
VerkunartímiA.m.k. 12 -24 klst.
Þörf á að breyta mataræði meðan lyfið er tekiðEngin.
GeymslaGeymið lyfið þar sem börn hvorki ná til né sjá. Má ekki frjósa.
Ef skammtur gleymistMirvaso er notað daglega og byrjar að virka á fyrsta meðferðardegi. Ef þú gleymir að nota dagskammt mun roðinn ekki minnka þann dag. Ekki á að tvöfalda skammt til að bæta upp skammt sem gleymst hefur að taka.
Hvernig á að hætta töku lyfsinsHafðu samband við lækninn áður en meðferð er hætt.
Ef tekinn er of stór skammturEf þú notar meira af lyfinu en sem nemur hámarksdagskammti innan 24 klukkustunda getur það leitt til húðertingar eða aukaverkana á ákomustað. Endurteknir skammtar innan sama sólarhrings gætu leitt til aukaverkana sem ekki hafa komið fram áður með venjulegri notkun í klínískum rannsóknum, svo sem lágs blóðþrýstings, sljóleika eða syfju. Hafðu samband við lækninn, sem mun ráðleggja þér hvað gera skal.
Langtímanotkun.

Aukaverkanir

Algengustu aukaverkanir lyfsins eru roði eða húðerting.

Algengar aukaverkanir (>1%):
  • Bólga og roði í augnlokinu
    Leitið til læknis
  • Höfuðverkur, munnþurrkur
    Leitið til læknis
  • Nefstífla
    Leitið til læknis
  • Ofhvítnun húðar
    Leitið til læknis
  • Roði í húð, brunatilfinning í húð eða kláði
    Leitið til læknis
  • Sundl
    Leitið til læknis
  • Þrymlabólur
    Leitið til læknis
Sjaldgæfar aukaverkanir (<1%):
  • Útbrot, kláði, bjúgur og öndunarerfiðleikar
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með blóðrásarkvilla
  • þú sért með blóðþrýstingsvandamál
  • þú sért með hjarta- eða æðasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með skerta lifrar- eða nýrnastarfsemi
  • þú takir einhver önnur lyf
  • þú eigir við þunglyndi að stríða
MeðgangaEkki er mælt með notkun Mirvaso á meðgöngu
BrjóstagjöfEkki má nota lyfið meðan barn er haft á brjósti
BörnBörn og unglingar yngri en 18 ára mega ekki nota lyfið
Eldra fólkVenjulegar skammtastærðir.
AksturMirvaso hefur engin marktæk áhrif á hæfni til aksturs og notkunar véla.
Áfengi.
ÍþróttirLeyft við æfingar og í keppni.
AnnaðRotvarnarefni í augndropunum getur skemmt mjúkar augnlinsur. Fjarlægja skal augnlinsur fyrir notkun og þær má setja í að nýju 15 mín. síðar.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.