Duloxetine Medical Valley

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Duloxetine Medical Valley

Opna mína lyfseðla
Geðdeyfðarlyf

Lyfseðilsskylt

Verðflokkur G/0: Lyfið er niðurgreitt og fellur inn í greiðsluþrepakerfiðVirkt innihaldsefni: DuloxetínSkráð 12. ágúst 2022

Duloxetin er notað til að meðhöndla þunglyndi, kvíðaröskun eða til að meðhöndla taugaverki vegna sykursýki. Einkenni taugaverkja geta verið sviði, stingir, náladofi og verkir. Svæðið getur orðið tilfinningalaust og utanaðkomandi áhrif eins og snerting, hiti, kuldi eða þrýstingur geta valdið sársauka. Talið er að duloxetín, virka efnið í lyfinu, verki á sársauka með því að efla sársaukahamlandi brautir innan miðtaugakerfisins. Duloxetín hefur sambærileg áhrif og önnur geðdeyfðarlyf á þunglyndi, það bætir skap, eykur líkamlega virkni og áhuga á daglegu lífi með því að hafa áhrif á serótónín og noradrenalín sem eru taugaboðefni í heila. Þessi áhrif koma aðeins fram hjá sjúklingum með geðdeyfð en sjást ekki ef heilbrigðir taka lyfið.

Tafla 30 mg Hylki

Notkun á lyfjum

LyfjaformMagasýruþolin hörð hylki til inntöku.
Venjulegar skammtastærðir60-120 mg á dag. Hylkin gleypist heil með vatnsglasi.
Hversu langur tími uns verkun kemur fram2-4 vikur við þunglyndi og kvíða, innan við viku við taugaverkjum.
VerkunartímiEkki að fullu þekktur.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráð við lækni. Þegar hætta á notkun lyfsins skal minnka skammtinn smám saman á 2 vikum áður en meðferð er hætt.
Ef tekinn er of stór skammturHafðu samband við lækni eða lyfjafræðing ef stórir skammtar eru teknir eða ef óvenjuleg einkenni koma fram.
LangtímanotkunEndurmeta skal ávinning meðferðarinnar reglulega.

Aukaverkanir

Algengustu aukaverkanir lyfsins eru slappleiki, ógleði, munnþurrkur, hægðatregða, svimi, þreyta og svefntruflanir en yfir 10% finna fyrir þeim.

Algengar aukaverkanir (>1%):
  • Hitakóf, aukin svitamyndun, nætursviti
    Leitið til læknis
  • Lystarleysi, þyngdartap
    Leitið til læknis
  • Minnkuð kynhvöt, ristruflanir, fá ekki fullnægingu
    Leitið til læknis
  • Munnþurrkur
    Leitið til læknis
  • Niðurgangur, hægðatregða
    Leitið til læknis
  • Ógleði og uppköst
    Leitið til læknis
  • Sjóntruflanir
    Leitið til læknis
  • Spenna, skjálfti, geispar
    Leitið til læknis
  • Svimi, þreyta, svefntruflanir
    Leitið til læknis
  • Vöðvasamdráttur
    Leitið til læknis
Sjaldgæfar aukaverkanir (<1%):
  • Þvagtregða hjá körlum
    Leitið til læknis

Milliverkanir

Þú átt ekki að taka Duloxetine Medical Valley ef þú ert að taka, eða hefur nýlega tekið (innan 14 daga) annað þunglyndislyf sem kallast mónóamínoxidasahemill (MAO-hemill). Sem dæmi um MAO-hemla má nefna móklóbemíð (þunglyndislyf) og linezólíð (sýklalyf). Notkun MAO-hemla samhliða Duloxetine getur valdið alvarlegum eða jafnvel lífshættulegum aukaverkunum. Gæta skal varúðar þegar lyfið er tekið samhliða lyfjum sem valda syfju: Þetta eru lyf sem læknir ávísar, eins og benzódiazepín, sterk verkjalyf, geðrofslyf, fenóbarbital og andhistamín. Einnig lyfjum sem hækka serótóníngildi: Triptanlyf, tramadól, trýptófan, SSRI-lyf, SNRI-lyf, þríhringlaga þunglyndislyf, petidín og jóhannesarjurt. Þessi lyf auka hættuna á aukaverkunum; ef þú færð einhver óvenjuleg einkenni skaltu hafa samband við lækni. Gætið skal varúðar ef Duloxetin er tekið samhliða lyfju sem þynna blóðið eða sem koma í veg fyrir blóðstorknun. Getur aukið hættuna á blæðingum. Fólk sem reykir hefur um 50% lægri styrk af lyfinu í blóði samanborið við þá sem reykja ekki. Því gæti þurft að auka skammta ef svörun við lyfinu er ekki nægjanleg í venjulegum skömmtum.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með gláku
  • þú sért með háan blóðþrýsting eða hjartasjúkdóm
  • þú sért með lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú hafir fengið krampa eða sért með flogaveiki
  • þú reykir
  • þú takir einhver önnur lyf
  • þú hafir sögu um blæðingartilhneigingu
  • þú hafir greinst með geðhæð eða geðhvarfasýki
  • þú ert að taka, eða hefur tekið á síðustu 14 dögum, annað lyf sem er MAO-hemill
MeðgangaTakmörkuð reynsla er af notkun lyfsins hjá þunguðum konum.
BrjóstagjöfEkki er vitað hvort lyfið berst í brjóstamjólk.
BörnLyfið er ekki ætlað börnum yngri en 18 ára nema að vel athuguðu máli.
Eldra fólkVenjulegar skammtastærðir en gæta skal varúðar, sérstaklega ef hámarksskammtur er gefinn.
AksturLyfið getur valdið syfju og þar með haft áhrif á aksturshæfni. Ekki aka bíl fyrr en reynsla er komin á það hvaða áhrif lyfið hefur. Hver og einn verður að leggja mat á getu sína til aksturs og starfa sem krefjast óskertrar árvekni.
ÁfengiGæta skal varúðar sé áfengi drukkið meðan á meðferð stendur. Almennt er mælt gegn því að neyta áfengis samhliða meðferð með geðdeyfðarlyfjum.
ÍþróttirLeyft við æfingar og í keppni.
AnnaðMælt er með notkun í nokkra mánuði eftir að svörun hefur fengist til að forðast bakslag.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.