Vydura

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Vydura

Opna mína lyfseðla
Mígrenilyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: RímegepantSkráð 25. apríl 2022

Vydura er mígrenilyf sem er notað til að meðhöndla eða fyrirbyggja mígreniköst hjá fullorðnum. Lyfið inniheldur virka efnið rímegepant sem að stöðvar virkni efnis í líkamanum sem kallast kalsítóníngenatengt peptíð (CGRP). En CGRP-gildi eru oft hækkuð hjá þeim sem eru með mígreni. Rímegepant loðir við sama viðtaka og CGRP og kemur þannig í veg fyrir að CGRP geti tengst viðtakanum. Þetta getur haft þau áhrif að stöðva virkt mígreniskast ásamt því að draga úr mígrenisköstum þegar lyfið er tekið fyrirbyggjandi.

Tafla 75 mg Tafla

Notkun á lyfjum

LyfjaformFrostþurrkuð tafla til inntöku.
Venjulegar skammtastærðirFyrirbyggjandi meðferð: 1 tafla annan hvern dag. Við mígrenikast: 1 tafla eftir þörfum en ekki oftar en 1 sinni á sólarhring. Taflan er leyst upp á tungu eða undir tungu og má taka hana með eða án matar.
Hversu langur tími uns verkun kemur framAllt að 2 klukkutímar.
Verkunartími2-48 klukkutímar.
Þörf á að breyta mataræði meðan lyfið er tekiðNei.
GeymslaGeymið lyfið í upprunalegum umbúðum til varnar raka þar sem börn hvorki ná til né sjá.
Ef skammtur gleymistEf gleymist að taka skammt þegar lyfið er notað sem fyrirbyggjandi meðferð skal taka næsta skammt á venjulegum tíma. Það á ekki að tvöfalda skammt til að bæta upp skammtinn sem gleymdist.
Ef tekinn er of stór skammturHafðu strax samband við lækni, sjúkrahús eða Eitrunarmiðstöð (sími 543 2222).

Aukaverkanir

Algengar aukaverkanir (>1%):
  • Ógleði
    Leitið til læknis
Sjaldgæfar aukaverkanir (<1%):
  • Ofnæmisviðbrögð, útbrot, kláði og öndunarerfiðleikar
    Leitið strax til læknis

Milliverkanir

Jóhannesarjurt milliverkar við Vydura og því má ekki taka það saman.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • þú sért með lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
MeðgangaÁhrif lyfsins hjá þunguðum konum er ekki þekkt, forðast á notkun þess.
BrjóstagjöfTakið lyfið einungis í samráði við lækni.
BörnLyfið er ekki ætlað börnum og unglingum undir 18 ára.
Eldra fólkVenjulegar skammtastærðir en takmörkuð reynsla er af lyfinu hjá 65 ára og eldri.
AksturLyfið hefur ekki áhrif á hæfni til aksturs.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.