Sandimmun Neoral

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Sandimmun Neoral

Opna mína lyfseðla
Lyf til ónæmisbælingar

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: CiklospórínSkráð 1. júlí 1994

Ciklospórín er kröftugt, ónæmisbælandi lyf. Það er notað til að sporna við því að nýju líffæri sé hafnað eftir líffæraflutning og við slæmum sjálfsofnæmissjúkdómum sem hafa ekki svarað annarri meðferð. Það sem hamlar helst árangur líffæraflutninga er það að ónæmiskerfi líkamans snýst gegn nýja líffærinu og skemmir það. Til þess að hindra þetta þarf að gefa ónæmisbælandi lyf ævilangt eftir líffæraígræðslu. Þeir sjálfsofnæmissjúkdómar sem ciklospórín er notað við eru t.d. slæm tilfelli af psoríasis og alvarleg iktsýki.

Tafla 25 mg Hylki

Notkun á lyfjum

LyfjaformHylki og mixtúra til inntöku.
Venjulegar skammtastærðirSkammtastærðir eru mjög misjafnar eftir sjúkdómum, ástandi sjúklings og öðrum lyfjum sem eru notuð. Hylkin gleypist heil.
Hversu langur tími uns verkun kemur framHámarksblóðþéttni næst eftir 1-2 klst. frá inntöku. Áhrif á sjúkdóminn koma fram eftir mun lengri tíma.
VerkunartímiVerkunartími er mjög mismunandi eftir einstaklingum.
Þörf á að breyta mataræði meðan lyfið er tekiðEkki má drekka greipaldinsafa með hylkjunum (eykur styrk lyfs í blóði). Alltaf skal gleypa hylkin með sama vökvanum, t.d. annað hvort alltaf með vatni eða alltaf með mjólk. Forðastu fæðu sem inniheldur mikið af kalíum, t.d. þurrkaða ávexti.
GeymslaGeymist í lokuðum umbúðum við stofuhita þar sem börn hvorki ná til né sjá. Nota verður mixtúruna innan 2ja mánaða frá því að umbúðir eru opnaðar.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráði við lækni. Draga verður smám saman úr skömmtum á löngum tíma áður en töku lyfsins hættir.
Ef tekinn er of stór skammturHafðu samband við lækni í öllum tilfellum.
LangtímanotkunFylgjast þarf reglulega með árangri meðferðar, blóðþéttni lyfsins og nýrnastarfsemi.

Aukaverkanir

Alvarlegasta aukaverkun lyfsins er skerðing á nýrnastarfsemi, en hún gengur oftast til baka þegar skammtar eru minnkaðir. Almennt eru aukaverkanir lyfsins háðar skammtastærðum og afturrækar þegar skammtar eru minnkaðir. Lyfið minnkar mótstöðu gegn sýkingum.

Algengar aukaverkanir (>1%):
  • Aukinn hárvöxtur
    Leitið til læknis
  • Bólgið eða blæðandi tannhold
    Leitið til læknis
  • Háþrýstingur
    Leitið til læknis
  • Höfuðverkur, skjálfti, þreyta
    Leitið til læknis
  • Kviðverkir
    Leitið til læknis
  • Lystarleysi
    Leitið til læknis
  • Náladofi
    Leitið til læknis
  • Ógleði, uppköst, niðurgangur
    Leitið til læknis
  • Vöðvaverkir
    Leitið til læknis
Sjaldgæfar aukaverkanir (<1%):
  • Krampar, rugl
    Leitið til læknis
  • Útbrot og mikill kláði
    Leitið til læknis
  • Hiti, slappleiki, lystarleysi og marblettir
    Leitið strax til læknis

Milliverkanir

Ákveðin hjartalyf (kalsíumgangalokar), magalyf (H2-blokkar) og flogaveikilyf geta haft áhrif á verkun ciklospóríns. Náttúrulyfið Jóhannesarjurt dregur úr virkni lyfsins og má þar af leiðandi ekki nota með ciklospóríni. Þann tíma sem ciklospórín er notað kann að vera að bólusetningar veiti minni vörn en annars væri. Forðast skal notkun lifandi, veiklaðra bóluefna.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért í ljósameðferð við psoríasis
  • þú sért með háan blóðþrýsting
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaTakmörkuð reynsla er af notkun lyfsins hjá þunguðum konum.
BrjóstagjöfLyfið berst í brjóstamjólk og getur haft áhrif á barnið.
BörnReynsla af notkun lyfsins hjá börnum er takmörkuð. Börn frá eins árs aldri hafa fengið lyfið í sömu skömmtum og fullorðnir án þess að nokkur sérstök vandamál hafi komið í ljós.
Eldra fólkMinni skammtar eru oft notaðir.
AksturLyfið hefur ekki áhrif á aksturshæfni.
ÁfengiÁfengi getur haft áhrif á útskilnað lyfsins. Ekki neyta áfengis meðan lyfið er tekið.
ÍþróttirLeyft við æfingar og í keppni. Mixtúran inniheldur alkóhól. Notkun hennar er bönnuð í sumum íþróttagreinum.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.