Ikervis

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Ikervis

Opna mína lyfseðla
Augnlyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: CiklospórínSkráð 1. febrúar 2016

Ikervis inniheldur virka efnið cíklósporín. Cíklósporín tilheyrir flokki lyfja sem þekkt eru sem ónæmisbælandi lyf og notuð eru til að draga úr bólgum. Lyfið er notað til að meðhöndla fullorðna með alvarlega glærubólgu (bólgu í glæru sem er gegnsæja lagið á framhluta augans). Það er notað hjá sjúklingum með augnþurrk sem ekki hefur batnað eftir meðferð með táralíki (gervitárum). Leitið til læknis ef sjúkdómseinkenni versna eða lagast ekki. Þú ættir að fara til læknisins að minnsta kosti á 6 mánaða fresti svo hann geti metið áhrif meðferðarinnar.

Notkun á lyfjum

LyfjaformAugndropar.
Venjulegar skammtastærðirEinn dropi í hvort veikt auga, einu sinni á dag fyrir svefn.
Hversu langur tími uns verkun kemur framEkki eru fyrirliggjandi upplýsingar um hversu hratt lyfið virkar.
VerkunartímiVerkunartími er mjög mismunandi eftir einstaklingum.
Þörf á að breyta mataræði meðan lyfið er tekið ,
GeymslaGeymist í lokuðum umbúðum við stofuhita þar sem börn hvorki ná til né sjá. Má ekki frjósa
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEkki hætta notkun lyfsins nema í samráði við lækni.
Ef tekinn er of stór skammturSkolaðu augað með vatni. Ekki setja fleiri dropa í augað fyrr en komið er að næsta venjulega skammti.
LangtímanotkunFylgjast þarf reglulega með árangri meðferðar.

Aukaverkanir

Algengustu aukaverkanirnar eru í augum og kringum augun.

Algengar aukaverkanir (>1%):
  • Augnkláði, tárubólga
    Leitið til læknis
  • Bólga í auga
    Leitið til læknis
  • Sjóntruflanir, augnverkur
    Leitið til læknis
  • Útferð
    Leitið til læknis
  • Þokusýn
    Leitið til læknis

Milliverkanir

Ekki hafa verið gerðar neinar rannsóknir á milliverkunum við Ikervis. Samhliða gjöf Ikervis og augndropa sem innihalda barkstera getur aukið áhrif cíklósporíns á ónæmiskerfið. Eftirfarandi listi miðast við að lyfin séu tekin inn.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaÞú ættir ekki að nota Ikervis ef þú ert þunguð. Konur á barneignaraldri ættu að nota getnaðarvörn á meðan þú notar þetta lyf. Líklegt er að IKERVIS komist í brjóstamjólk í mjög litlu magni. Ef þú ert með barn á brjósti skaltu leita ráða hjá lækninum áður en þú notar lyfið.
BrjóstagjöfLíklegt er að lyfið komist í brjóstamjólk í mjög litlu magni. Ef þú ert með barn á brjósti skaltu leita ráða hjá lækninum áður en þú notar lyfið.
BörnLyfið er ekki ætlað fyrir börn og unglinga yngri en 18 ára.
Eldra fólkSömu skammtar
AksturStrax eftir notkun Ikervis augndropa gætirðu fundið fyrir þokusýn. Ef það gerist skaltu bíða með að aka eða nota vélar þar til sjónin skýrist.
Áfengi ,
ÍþróttirLeyft við æfingar og í keppni.
AnnaðLátið a.m.k. 15 mínútur líða milli þess að aðrir augndropar eru notaðir og áður en Ikervis augndropar eru settir í.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.