Clarithromycin Krka

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Clarithromycin Krka

Opna mína lyfseðla
Sýklalyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: KlaritrómýcínSkráð 1. september 2018

Clarithromycin Krka er sýklalyf sem tilheyrir flokki lyfja sem kallast markrólíð sýklalyf. Lyfið er gefið við efri og neðri loftvegasýkingum og líka húð- og mjúkvefjasýkingum sem stafa af völdum næmra sýkla. Töflurnar eru einnig notaðar til að uppræta skeifugarnasár hjá sjúklingum með Helicobacter pylori sýkingu. Virka efnið klaritrómýcín berst vel inn í vefi eins og eitlavef, lungnavef og miðeyra.

Tafla 250 mg Filmuhúðuð tafla

Notkun á lyfjum

LyfjaformFilmuhúðaðar töflur til inntöku.
Venjulegar skammtastærðirVenjulegur skammtur er 250 mg tvisvar á dag. Við alvarlegum sýkingum má auka skammtinn í 500 mg tvisvar á dag.
Hversu langur tími uns verkun kemur framMisjafnt eftir því hvar sýkingin er og hversu næmir sýklarnir eru fyrir lyfinu. Hámarksþéttni lyfsins í blóði næst eftir um 2 klst.
VerkunartímiUm 8 klst. eftir stakan skammt.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Taktu síðan það sem eftir er af dagskammtinum með reglulegu millibili. Ekki taka tvo skammta í einu.
Hvernig á að hætta töku lyfsinsTaktu lyfið eins lengi og læknir fyrirskipar eða ljúktu við skammtinn sem þér var úthlutaður þótt einkenni sýkingarinnar séu ekki lengur til staðar. Annars er hætta á því að sýkingin haldi áfram og bakteríur myndi ónæmi fyrir lyfinu.
Ef tekinn er of stór skammturEf of stór skammtur af lyfinu hefur verið tekinn, eða ef barn hefur í ógáti tekið inn lyfið skal hafa samband við lækni, sjúkrahús eða eitrunarmiðstöð (sími 543 2222). Ofskömmtun Clarithromycin Krka veldur líklega uppköstum og magaverk. Stakir skammtar sem eru litlu stærri en venjulega ættu ekki að skapa vanda.
LangtímanotkunKlaritrómýcin er yfirleitt gefið í skamman tíma í senn.

Aukaverkanir

Um 5-10% sjúklinga fá einhverjar aukaverkanir, algengastar eru aukaverkanir frá meltingarfærum.

Algengar aukaverkanir (>1%):
  • Höfuðverkur, ógleði
    Leitið til læknis
  • Kviðverkir, niðurgangur, meltingaróþægindi
    Leitið til læknis
  • Truflun á bragðskyni
    Leitið til læknis
Sjaldgæfar aukaverkanir (<1%):
  • Sveppasýking í munni og hálsi
    Leitið til læknis
  • Tímabundin heyrnarskerðing
    Leitið strax til læknis
  • Gula, dökkt þvag, kláði eða eymsli við kvið
    Leitið strax til læknis
  • Langvarandi og mikill niðurgangur
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis
  • Vöðvaverkir
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • þú sért með hjartasjúkdóm
  • grunur leiki á um þungun eða að þú sért með barn á brjósti
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú eða einhver í fjölskyldu þinni er með sögu um hjartsláttartruflanir
MeðgangaTakmörkuð reynsla er af notkun lyfsins hjá þunguðum konum.
BrjóstagjöfEkki er vitað hvort lyfið berst í brjóstamjólk.
BörnClarithromycin Krka töflur henta ekki til notkunar hjá börnum sem eru yngri en 12 ára og innan við 30 kg. Önnur lyfjaform eru hentugri fyrir þessa sjúklinga.
Eldra fólkVenjulegar skammtastærðir.
AksturClarithromycin Krka getur valdið syfju, sundli eða ringlun. Ekki aka eða nota vélar ef þú finnur fyrir þessum áhrifum.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.