Evra

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Evra

Opna mína lyfseðla
Getnaðarvörn

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: Etinýlestradíól, NorelgestrómínSkráð 1. nóvember 2003

Evra inniheldur tvö virk efni (hormón), norelgestrómín og etinýlestradíól. Plásturinn er ætlaður konum á barneignaraldri sem getnaðarvörn. Aðalverkunarmáti lyfsins er að hindra egglos en breytingar á leghálsslími og legslímu stuðla hugsanlega að verkun lyfsins. Etinýlestradíól hefur sömu áhrif og kvenhormónið estradíól en estradíól er áhrifamest og algengast af estrógenunum. Norelgestrómín hefur sömu áhrif og kvenhormónið prógesterón.

Notkun á lyfjum

LyfjaformForðaplástur á húð.
Venjulegar skammtastærðirMeðferð hefst á 1. degi tíðablæðinga. 1 plástur er settur á líkamann og hafður þar í 7 daga. Skipt um plástur á sama degi í hverri viku. Fjórða vikan er plástursfrí en hún byrjar á 22. degi tíðahrings. Síðan er þetta endurtekið. Fara þarf nákvæmlega eftir leiðbeiningunum til að ná hámarksvirkni.
Hversu langur tími uns verkun kemur framVerkun er frá 1. degi ef byrjað er á 1. degi blæðinga.
VerkunartímiMeðan plásturinn er á húðinni.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistÁ 1. viku: Leyð og þú mannst eftir því skalltu setja plásturinn á þig og hafa hann á húðinni í 7 daga. Þá er kominn nýr "skiptidagur" og nota skal aðra getnaðarvörn sem inniheldur ekki hormóna (t.d. smokk) samhliða fyrstu 7 dagana. Á 2. eða 3. viku: Ef gleymist að skipta um plástur innan 48 klst þá er settur nýr plástur á húðina um leið og þú mannst eftir því en næsti plástur er settur á á venjulegum "skiptidegi". Ef plásturinn var notaður rétt í 7 daga fyrir 1. dag sem sleppt var úr er ekki þörf á viðbótargetnaðarvörn. Ef það hefur liðið meira en 48 klst. skal stöðva núverandi meðferðarhring og byrja strax á nýjum fjögurra vikna meðferðarhring með nýjum plástri. Nú er kominn nýr skiptidagur og nýr 1. dagur. Nota skal aðra getnaðarvörn sem inniheldur ekki hormóna samhliða meðferðinni fyrstu 7 dagana. Á 4. viku: Ef gleymist að fjarlægja plásturinn í byrjun 4. viku skal fjarlægja hann eins fljótt og auðið er. Næsti meðferðarhringur skal hafinn á hinum venjulega skiptidegi (29. dagur = 1. dagur). Ekki er þörf á frekari getnaðarvörn.
Hvernig á að hætta töku lyfsinsHætta má notkun getnaðarvarnalyfja hvenær sem hentar.
Ef tekinn er of stór skammturÁ ekki við.
LangtímanotkunÁn vandkvæða en ráðlegt er að fara reglulega í eftirlit hjá lækni. Ákveðið nánar í samráði við lækni.

Aukaverkanir

Algengustu aukaverkanir lyfsins eru einkenni í brjóstum, höfuðverkur, viðbrögð á plásturstað og ógleði.

Algengar aukaverkanir (>1%):
  • Erting á plástursstað
    Leitið til læknis
  • Eymsli í vöðvum og liðamótum
    Leitið til læknis
  • Höfuðverkur, mígreni
    Leitið til læknis
  • Kviðverkir, niðurgangur og meltingartruflanir
    Leitið til læknis
  • Ógleði og uppköst
    Leitið til læknis
  • Spenna í brjóstum
    Leitið til læknis
  • Svimi, þreyta
    Leitið til læknis
  • Tíðaverkir, óreglulegar eða miklar blæðingar
    Leitið til læknis
  • Þunglyndi, skapsveiflur
    Leitið til læknis
  • Þyngdaraukning
    Leitið til læknis
Sjaldgæfar aukaverkanir (<1%):
  • Flensulík einkenni, sýkingar
    Leitið til læknis
  • Útbrot, kláði
    Leitið til læknis
  • Bólga eða verkir í fótum eða nára, verkur fyrir brjósti
    Leitið strax til læknis
  • Gula, mjög mikill kláði
    Leitið strax til læknis
  • Mæði, mjög mikill höfuðverkur, sjóntruflanir
    Leitið strax til læknis

Milliverkanir

Lyf sem hafa í för með sér aukna úthreinsun kynhormóna geta leitt til milliblæðinga og þess að getnaðarvörnin bregst. Jóhannesarjurt og ginseng geta haft áhrif á virkni lyfsins.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • einhver í ættinni sé með sykursýki, hjarta- eða æðasjúkdóm
  • grunur leiki á um þungun eða að þú sért með barn á brjósti
  • þú sért með bólgusjúkdóm í þörmum
  • þú sért með háan blóðþrýsting, hjarta- eða æðasjúkdóm
  • þú sért með langvarandi lifrar- eða nýrnasjúkdóm
  • þú sért með mígreni
  • þú sért með ofnæmi fyrir virka efninu eða einhverju hjálparefnanna
  • þú sért með rauða úlfa (lupus)
  • þú sért með sykursýki
  • þú hafir fengið krampa eða sért með flogaveiki
  • þú reykir
  • þú takir einhver önnur lyf
  • þú sért með eða hefur fengið brisbólgu
  • þú sért með blæðingar frá fæðingarvegi af óþekktum ástæðum
MeðgangaLyfið á ekki að nota á meðgöngu. Takmörkuð reynsla er af notkun lyfsins hjá þunguðum konum. Hætta á því að lyfið hafi áhrif á fóstur er þó talin hverfandi í þeim skömmtum sem það er notað.
BrjóstagjöfLyfið berst í brjóstamjólk og getur haft áhrif á barnið. Samsett getnaðarvarnarlyf geta dregið úr magni og gæðum brjóstamjólkur.
BörnLyfið er ekki ætlað stúlkum yngri en 18 ára.
Eldra fólkLyfið er ekki ætlað konum eldri en 45 ára.
AksturLyfið hefur ekki áhrif á aksturshæfni.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
AnnaðSkoðið plásturinn daglega með augum til að tryggja fullnægjandi viðloðun. Ekki skal nota húðvörur á húðsvæðið þar sem plásturinn er staðsettur til að koma í veg fyrir að viðloðunareiginleikar plástursins dvíni. Ef plásturinn losnar að hluta til eða dettur alveg af losna ófullnægjandi lyfjaskammtar.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.