Ornibel

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Ornibel

Opna mína lyfseðla
Getnaðarvörn

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: Etinýlestradíól, EtónógestrelSkráð 1. júní 2019

Ornibel er getnaðarvarnarlyf á formi leginnleggs. Það inniheldur tvö virk efni (hormón), etónógestrel og etinýlestradíól. Etónógestrel binst prógesterónviðtökum og hefur sömu áhrif á líkamann og kvenhormónið prógesterón. Etónógestrel er virkt umbrotsefni lyfsins desógestrels. Etinýlestradíól verkar eins og kvenhormónið estradíól, en verkunartími þess er þó lengri þegar það er tekið inn. Getnaðarvörn lyfsins felst fyrst og fremst í því að koma í veg fyrir egglos. Jafnframt þessu hafa hormónin áhrif á slímmyndun í leghálsinum með þeim afleiðingum að sæðisfrumur komast síður upp í legið og erfitt er fyrir frjóvgað egg að festast í slímhúð legsins.

Notkun á lyfjum

LyfjaformLeginnlegg
Venjulegar skammtastærðirLeginnlegginu er komið fyrir í leggöngum þar sem það er haft samfellt í 3 vikur. Eftir 21 dag er gert hlé í 7 daga og verða þá blæðingar. Að 7 dögum liðnum er nýju leginnleggi komið fyrir hvort sem tíðablæðingum er lokið eða ekki. Ornibel inniheldur 11,0 mg etonogestrel og 3,474 mg etinylestradíól. Daglega losna að meðaltali 0,120 mg af etonogestreli og 0,015 mg af etinylestradíóli úr hringnum í 3 vikur.
Hversu langur tími uns verkun kemur framLyfið veitir örugga getnaðarvörn strax frá fyrsta degi. Ráðlagt er að nota aðra getnaðarvörn án hormóna fyrstu 7 dagana sem Ornibel er notað.
VerkunartímiLyfið veitir örugga getnaðarvörn á meðan það er tekið samkvæmt leiðbeiningum.
Þörf á að breyta mataræði meðan lyfið er tekiðEngin.
GeymslaGeymið lyfið þar sem börn hvorki ná til né sjá. Geymið við lægri hita en 30°C í upprunalegum umbúðum til varnar gegn ljósi og raka.
Ef skammtur gleymistEf gleymist að koma nýjum hring fyrir að loknu hléi skaltu gera það um leið og þú manst eftir því. Nota skal aðra getnaðarvörn, án hormóna, næstu 7 daga. Sjá nánar í leiðbeiningum sem fylgja lyfinu.
Hvernig á að hætta töku lyfsinsHætta má notkun getnaðarvarnalyfja hvenær sem hentar.
Ef tekinn er of stór skammturÁ ekki við.
LangtímanotkunÁn vandkvæða en ráðlegt er að fara reglulega í eftirlit hjá lækni. Ákveðið nánar í samráði við lækni.

Aukaverkanir

Algengar aukaverkanir (>1%):
  • Bólur í húð
    Leitið til læknis
  • Höfuðverkur, ógleði
    Leitið til læknis
  • Kviðverkir, tíðaverkir
    Leitið til læknis
  • Minnkuð kynhvöt
    Leitið til læknis
  • Óþægindi við notkun lyfsins
    Leitið til læknis
  • Skapbreytingar
    Leitið til læknis
  • Spenna í brjóstum
    Leitið til læknis
  • Útferð
    Leitið til læknis
  • Þyngdaraukning
    Leitið til læknis
Sjaldgæfar aukaverkanir (<1%):
  • Útbrot, kláði
    Leitið til læknis
  • Þvagfærasýkingar
    Leitið til læknis
  • Bólga eða verkir í fótum eða nára, verkur fyrir brjósti
    Leitið strax til læknis
  • Gula, mjög mikill kláði
    Leitið strax til læknis
  • Mæði, mjög mikill höfuðverkur, sjóntruflanir
    Leitið strax til læknis

Milliverkanir

Jóhannesarjurt og ginseng geta haft áhrif á virkni lyfsins. Auk þess geta getnaðarvarnartöflur minnkað sykurþol og aukið þörf sykursjúkra einstaklinga fyrir insúlín eða önnur sykursýkislyf.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • einhver í ættinni sé með sykursýki, hjarta- eða æðasjúkdóm
  • grunur leiki á um þungun eða að þú sért með barn á brjósti
  • þú sért með bólgusjúkdóm í þörmum
  • þú sért með háan blóðþrýsting, hjarta- eða æðasjúkdóm
  • þú sért með hjarta- eða æðasjúkdóm
  • þú sért með langvarandi lifrar- eða nýrnasjúkdóm
  • þú sért með mígreni
  • þú sért með ofnæmi fyrir virka efninu eða einhverju hjálparefnanna
  • þú sért með rauða úlfa (lupus)
  • þú sért með sykursýki
  • þú hafir fengið krampa eða sért með flogaveiki
  • þú reykir
  • þú takir einhver önnur lyf
  • þú sért með blæðingar frá fæðingarvegi af óþekktum ástæðum
MeðgangaLyfið á ekki að nota á meðgöngu.
BrjóstagjöfLyfið berst í brjóstamjólk og getur breytt samsetningu og dregið úr magni hennar. Leitið til læknis til að fá ráðleggingar um notkun getnaðvarvarna á meðan brjóstagjöf stendur.
BörnLyfið er ekki ætlað börnum.
Eldra fólkLyfið er eingöngu ætlað konum á barneignaraldri.
AksturLyfið hefur ekki áhrif á aksturshæfni.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
AnnaðReykingar auka hættuna á aukaverkunum, s.s. blóðtappa af völdum estrógena.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.