Melatonin Evolan

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Melatonin Evolan

Opna mína lyfseðla
Svefnlyf og róandi lyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: MelatónínSkráð 19. janúar 2023

Melatonin Evolan inniheldur virka efnið melatónín sem tilheyrir flokki náttúrulegra hormóna sem líkaminn framleiðir. Melatónín myndast í heilaköngli. Áhrif þess eykst þegar dimmt er orðið og nær hámarki um miðja nótt, eða um kl. 2-4 eftir miðnætti og minnkar svo þegar birta tekur. Þannig tekur melatónín þátt í því að stilla okkar eðlislægu klukku sem veldur því að okkur syfjar á kvöldin og við erum vakandi á daginn. Með aldrinum minnkar framleiðsla á melatóníni. Melatónín getur bætt svefngæði, stytt biðtíma eftir svefni og dregið úr fjölda vöknunartilvika, líkt og önnur svefnlyf. Melatonin Evolan er notað sem skammtímameðferð við flygþreytu og við svefnleysi hjá börnum og unglingum 6-17ára með ADHD.

Notkun á lyfjum

LyfjaformMixtúra
Venjulegar skammtastærðirVið flugþreytu: Ráðlagður skammtur er 1-5 mg (1-5 ml) fyrir háttatíma í 4-7 daga. Við svefnleysi hjá börnum og unglingum með ADHD: 1-2 mg (1-2 ml) 30-60 mín fyrir háttatíma.
Hversu langur tími uns verkun kemur framU.þ.b 60 mínútur.
VerkunartímiEkki að fullu þekktur.
Þörf á að breyta mataræði meðan lyfið er tekiðEngin.
GeymslaGeymið við stofuhita í upprunalegum umbúðum til varnar gegn ljósi.
Ef skammtur gleymistEf þú sofnar án þess að taka lyfið, getur þú tekið skammtinn ef þú vaknar en ekki seinna en kl. 4:00.
Hvernig á að hætta töku lyfsinsHætta má töku lyfsins þegar ekki er lengur þörf fyrir það.
Ef tekinn er of stór skammturStakir skammtar sem eru litlu stærri en venjulega ættu ekki að valda óþægindum. Stórir skammtar geta valdið syfju, höfuðverk, svima og ógleði. Hafið samband við lækni eða eitrunarmiðstöð (sími 543 2222) ef of stórir skammtar hafa verið teknir.
LangtímanotkunLyfið er ekki ætlað til langtímanotkunar.

Aukaverkanir

Algengustu aukaverkanir lyfsins eru höfuðverkur, syfja og svimi.

Algengar aukaverkanir (>1%):
  • Höfuðverkur, syfja, svimi
    Leitið til læknis
Sjaldgæfar aukaverkanir (<1%):
  • Meltingartruflanir, ógleði, kviðverkir
    Leitið til læknis
  • Óróleiki, svimi, taugaveiklun, pirringur
    Leitið til læknis
  • Útbrot og kláði
    Leitið til læknis
  • Verkir í útlimum
    Leitið til læknis
  • Þróttleysi
    Leitið til læknis

Milliverkanir

Sígarettureykingar getur dregið úr áhrifum melatóníns.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með flogaveiki
  • þú sért með ofnæmi fyrir einhverjum lyfjum
  • þú sért með skerta lifrar- eða nýrnastarfsemi
  • þú sért með sykursýki
  • þú takir einhver önnur lyf
  • þú sért með sjálfsnæmissjúkdóm
MeðgangaNotkun lyfsins á meðgöngu er ekki ráðlögð.
BrjóstagjöfTalið er að lyfið geti borist í brjóstamjólk. Konur með barn á brjósti eiga því ekki að nota lyfið.
BörnMelatonin Evolan er ekki ætlað börnum yngri en 6 ára.
Eldra fólkVenjulegar skammtastærðir.
AksturLyfið getur valdið svefndrunga. Ekki taka lyfið fyrir akstur eða notkun véla.
ÁfengiEkki neyta áfengis á meðan lyfið er tekið þar sem áfengi dregur úr virkni lyfsins á svefn.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.