Slenyto

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Slenyto

Opna mína lyfseðla
Svefnlyf og róandi lyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: MelatónínSkráð 1. desember 2019

Slenyto er svefnlyf sem inniheldur virka innihaldsefnið melatónín og er það ætlað börnum og unglingum á aldrinum 2-18 ára sem þjáist af svefnleysi vegna röskun á einhverfurófi og/eða Smith-Magenis heilkenni. Melatónín er hormón sem myndast í heilaköngli. Áhrif þess eykst þegar dimmt er orðið og nær hámarki um miðja nótt, eða um kl. 2-4 eftir miðnætti og minnkar svo þegar birta tekur. Þannig tekur melatónín þátt í því að stilla okkar eðlislægu klukku sem veldur því að okkur syfjar á kvöldin og við erum vakandi á daginn. Melatónín getur bætt svefngæði, stytt biðtíma eftir svefni og dregið úr fjölda vöknunartilvika, líkt og önnur svefnlyf.

Tafla 1 mg Forðatafla

Notkun á lyfjum

LyfjaformForðatöflur til inntöku.
Venjulegar skammtastærðir2-5 mg í senn 0,5-1 klst. fyrir svefn, með eða eftir mat. Töflurnar gleypist heilar, EKKI má brjóta, mylja eða tyggja þær.
Hversu langur tími uns verkun kemur framUm það bil 1 klst. Hámarksverkun næst innan 2 klst.
VerkunartímiInnan 12 klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistEf þú sofnar án þess að taka lyfið skaltu sleppa skammti.
Hvernig á að hætta töku lyfsinsLeitið ráða hjá lækninum áður en hætt er að taka lyfið.
Ef tekinn er of stór skammturHafið samband við lækni eða eitrunarmiðstöð s: 543-2222 ef of stór skammtur er tekinn. Stakir skammtar sem eru litlu stærri en venjulega ættu ekki að valda óþægindum. Stórir skammtar geta valdið svefndrunga.
LangtímanotkunReglulega ætti að fylgjast með ávinningi lyfsins til að ganga úr skugga um að lyfið sé enn heppilegasta meðferðin.

Aukaverkanir

Algengustu aukaverkanir lyfsins eru svefnhöfgi, þróttleysi, skapsveiflur og höfuðverkur.

Algengar aukaverkanir (>1%):
  • Breytingar á hegðun eða skapferli
    Leitið til læknis
  • Höfuðverkur, bakverkur
    Leitið til læknis
  • Kokbólga
    Leitið til læknis
  • Þróttleysi
    Leitið til læknis
Sjaldgæfar aukaverkanir (<1%):
  • Sjóntruflanir
    Leitið til læknis
  • Gula
    Leitið strax til læknis
  • Hiti, slappleiki, lystarleysi og marblettir
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Reykingar geta minnkað styrk melatóníns.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með ofnæmi fyrir einhverjum lyfjum
  • þú sért með skerta lifrar- eða nýrnastarfsemi
  • þú takir einhver önnur lyf
  • þú sért með sjálfsnæmissjúkdóm
MeðgangaTakmörkuð reynsla er af notkun lyfsins hjá þunguðum konum.
BrjóstagjöfTalið er að lyfið geti borist í brjóstamjólk. Konur með barn á brjósti eiga því ekki að nota lyfið.
BörnVenjulegar skammtastærðir. Lyfið er ætlað börnum 2-18 ára.
Eldra fólkVenjulegar skammtastærðir.
AksturLyfið getur valdið svefndrunga. Ekki aka bíl fyrr en reynsla er komin á það hvaða áhrif lyfið hefur.
ÁfengiEkki neyta áfengis á meðan lyfið er tekið þar sem áfengi dregur úr virkni lyfsins á svefn.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.