Colchicine Tiofarma

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Colchicine Tiofarma

Opna mína lyfseðla
Þvagsýrugigtarlyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: ColchicinSkráð 18. maí 2022

Virka innihaldsefnið í Colchicine Tiofarma heitir kolsisín. Colchicine Tiofarma er ætlað fullorðnum til meðferðar við bráðri þvagsýrugigt og til fyrirbyggjandi meðferðar við þvagsýrugigtarkasti við upphaf þvagsýrulækkandi meðferðar. Kolsisín er einnig ætlað til notkunar hjá fullorðnum og börnum með arfgenga miðjarðarhafssótt (e. Familial Mediterranean Fever) til fyrirbyggjandi meðferðar við köstum og mýlildum.

Tafla 0,5 mg Tafla

Notkun á lyfjum

LyfjaformTöflur til inntöku.
Venjulegar skammtastærðirSkammtar eru breytilegir eftir því hvort verið er að meðhöndla bráð þvagsýrugigtarköst eða í fyrirbyggjandi tilgangi.
Þörf á að breyta mataræði meðan lyfið er tekiðGreipaldinsafi getur aukið magn kolsisíns í blóðinu. Því skalt þú ekki borða greipaldin eða drekka greipaldinsafa á meðan þú tekur kolsisín töflur.
GeymslaGeymið lyfið þar sem börn hvorki ná til né sjá. Geymið í upprunalegum umbúðum til varnar gegn ljósi. Geymsluþol eftir fyrstu opnun töfluíláts er 6 mánuðir.
Ef skammtur gleymistEf gleymist að taka skammt skaltu taka annan um leið og þú manst eftir því. Ef næstum er komið að næsta skammti skal ekki taka skammtinn sem gleymdist. Ekki á að tvöfalda skammt til að bæta upp töflu sem gleymst hefur að taka.
Ef tekinn er of stór skammturKolsisín getur haft eiturverkandi áhrif og því er mikilvægt að ekki sé farið umfram skammtinn sem sérfræðilæknir mælir fyrir um. Hætta skal gjöf ef einkenna eitrunar verður vart, svo sem ógleði, uppkasta, kviðverkja eða niðurgangs. Ef þú tekur fleiri töflur en þú átt að gera skaltu strax hafa samband við lækninn, bráðamóttöku næsta sjúkrahúss eða eitrunarmiðstöð Landspítalans í síma 543 2222.
LangtímanotkunLangtímanotkun kolsisíns getur tengst B12-vítamínskorti.

Aukaverkanir

Algengar aukaverkanir (>1%):
  • Ógleði, uppköst, niðurgangur, kviðverkir og minnkuð matarlyst
    Leitið strax til læknis
Sjaldgæfar aukaverkanir (<1%):
  • Hiti, hálsbólga, marblettir eða blæðingar undir húð
    Leitið strax til læknis
  • Ofnæmisviðbrögð, útbrot, kláði og öndunarerfiðleikar
    Leitið strax til læknis

Milliverkanir

Greipaldinsafi getur aukið magn kolsisins í blóðinu. Því skalt þú ekki borða greipaldin eða drekka greipaldinsafa á meðan þú tekur kolsisín töflur.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með hjarta- eða æðasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með meltingarfærasjúkdóm
  • þú sért með alvarlega skerta nýrna- eða lifrarstarfsemi
MeðgangaVið meðgöngu, grun um þungun eða ef þungun er fyrirhuguð má ekki taka þetta lyf. Ef þú ert kona á barneignaraldri mátt þú ekki taka þetta lyf nema þú notir örugga getnaðarvörn.
BrjóstagjöfColchicin berst í brjóstamjólk. Ef þú ert með barn á brjósti mátt þú ekki taka þetta lyf.
Eldra fólkGæta skal varúðar við notkun.
AksturHafa skal möguleika á svefnhöfga og sundli í huga. Ef þú finnur fyrir áhrifum skalt þú ekki aka eða stjórna vélum.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.