Colrefuz

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Colrefuz

Opna mína lyfseðla
Þvagsýrugigtarlyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: ColchicinSkráð 1. október 2015

Virka innihaldsefnið í Colrefuz töflum er colchicin. Lyfið er til meðferðar gegn þvagsýrugigtarköstum hjá fullorðnum. Þær eru einnig notaðar til að hindra bráð þvagsýrugigtarköst hjá fullorðnum þegar meðferð er hafin með öðrum lyfjum svo sem allópúrínóli, próbenecíði og súlfínpýrazóni.

Tafla 500 μg Tafla

Notkun á lyfjum

LyfjaformTöflur til inntöku.
Venjulegar skammtastærðirSkammtar eru breytilegir eftir því hvort verið er að meðhöndla bráð þvagsýrugigtarköst eða í fyrirbyggjandi tilgangi.
Þörf á að breyta mataræði meðan lyfið er tekiðGreipaldinsafi getur aukið magn colchicins í blóðinu. Því skalt þú ekki drekka greipaldinsafa á meðan þú tekur Colrefuz töflur.
GeymslaGeymið lyfið þar sem börn hvorki ná til né sjá. Geymið í upprunalegum umbúðum til varnar gegn ljósi.
Ef skammtur gleymistEf gleymist að taka skammt skaltu taka annan um leið og þú manst eftir því. Ef næstum er komið að næsta skammti skal ekki taka skammtinn sem gleymdist. Ekki á að tvöfalda skammt til að bæta upp töflu sem gleymst hefur að taka. Ekki taka Colrefuz töflur með styttra millibili en læknirinn ávísaði.
Ef tekinn er of stór skammturEf þú tekur fleiri Colrefuz töflur en þú átt að gera skaltu strax hafa samband við lækninn, bráðamóttöku næsta sjúkrahúss eða eitrunarmiðstöð Landspítalans í síma 543 2222. Hafðu þennan fylgiseðil og allar Colrefuz töflur sem eftir eru meðferðis.

Aukaverkanir

Algengar aukaverkanir (>1%):
  • Hiti, hálsbólga, marblettir eða blæðingar undir húð
    Leitið strax til læknis
  • Ógleði, uppköst, niðurgangur, kviðverkir og minnkuð matarlyst
    Leitið strax til læknis
Sjaldgæfar aukaverkanir (<1%):
  • Ofnæmisviðbrögð, útbrot, kláði og öndunarerfiðleikar
    Leitið strax til læknis

Milliverkanir

Greipaldinsafi getur aukið magn colchicins í blóðinu. Því skalt þú ekki drekka greipaldinsafa á meðan þú tekur Colrefuz töflur.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með ofnæmi fyrir virka efninu eða einhverju hjálparefnanna
  • þú sért með alvarlega skerta nýrna- eða lifrarstarfsemi
MeðgangaVið meðgöngu, grun um þungun eða ef þungun er fyrirhuguð má ekki taka þetta lyf. Ef þú ert kona á barneignaraldri mátt þú ekki taka þetta lyf nema þú notir örugga getnaðarvörn.
BrjóstagjöfColchicin berst í brjóstamjólk. Ef þú ert með barn á brjósti mátt þú ekki taka þetta lyf.
Eldra fólkGæta skal varúðar við notkun.
AksturHafa skal möguleika á svefnhöfga og sundli í huga. Ef þú finnur fyrir áhrifum skalt þú ekki aka eða stjórna vélum.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.