Lopid

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Lopid

Opna mína lyfseðla
Blóðfitulækkandi lyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: GemfíbrózílSkráð 1. apríl 1988

Gemfíbrózíl, virka efnið í Lopid, hefur blóðfitulækkandi áhrif. Lyfið hefur áhrif á fituefnaskipti í lifur og lækkar með því kólesteról og þríglýseríður í blóði. Gemfíbrózíl lækkar líka svonefnt slæmt kólesteról (LDL), en hækkar hins vegar góða kólesterólið (HDL). Lyfið er gefið sjúklingum sem greinast með mikið af kólesteróli í blóði þegar breytingar á mataræði og hreyfingu hafa ekki borið árangur sem skyldi.

Tafla 300 mg Hylki

Notkun á lyfjum

LyfjaformTöflur og hylki til inntöku.
Venjulegar skammtastærðir900-1200 mg á dag. Takist inn ½ klst. fyrir máltíð.
Hversu langur tími uns verkun kemur framHámarksáhrif meðferðar koma fram eftir 2-3 mánuði.
Verkunartími12-24 klst. eftir stakan skammt.
Þörf á að breyta mataræði meðan lyfið er tekiðMinni fituneysla er einn þáttur í meðferð.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða ef vart verður við einhver óvenjuleg einkenni skal strax hafa samband við lækni.
LangtímanotkunFylgjast þarf reglulega með blóði og lifrarstarfsemi.

Aukaverkanir

Algengasta aukaverkun lyfsins er meltingartruflanir.

Algengar aukaverkanir (>1%):
  • Höfuðverkur, svimi, þreyta
    Leitið til læknis
  • Kviðverkir, niðurgangur og hægðatregða
    Leitið til læknis
  • Meltingartruflanir, vindgangur
    Leitið til læknis
  • Ógleði og uppköst
    Leitið til læknis
Sjaldgæfar aukaverkanir (<1%):
  • Gula
    Leitið til læknis
  • Verkir, eymsli og máttleysi í vöðvum
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Gemfíbrózíl getur haft áhrif á blóðsykurlyf, bæði lyf til inntöku og insúlín, ef þau eru notuð samhliða.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með eða hafir fengið gallsteina
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með sykursýki
  • þú takir einhver önnur lyf
MeðgangaTakmörkuð reynsla er af notkun lyfsins hjá þunguðum konum.
BrjóstagjöfEkki er vitað hvort lyfið berst í brjóstamjólk.
BörnLyfið er ekki ætlað börnum.
Eldra fólkVenjulegar skammtastærðir.
AksturLyfið getur valdið svima og þar með haft áhrif á aksturshæfni. Ekki aka bíl fyrr en reynsla er komin á það hvaða áhrif lyfið hefur.
ÁfengiGetur aukið líkur á lifrarvandamálum. Gæta ætti hófsemi í áfengisdrykkju.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.