Everolimus WH

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Everolimus WH

Opna mína lyfseðla
Lyf til ónæmisbælingar

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: EverolimusSkráð 8. nóvember 2021

Everolimus WH er krabbameinslyf og er notað hjá fullorðnum til meðferðar við eftirfarandi krabbameinum: langt gengnu hormónaviðtaka-jákvæðu brjóstakrabbameini hjá konum eftir tíðahvörf, langt gengnum æxlum sem kallast taugainnkirtlaæxli og eru upprunnin í maga, þörmum, lungum eða brisi og langt gengnu nýrnakrabbameini. Lyfið inniheldur virka efnið everolimus en það dregur úr blóðflæði til æxlis og hægir þannig á vexti og dreifingu krabbameinsfrumna.

Notkun á lyfjum

LyfjaformTöflur til inntöku.
Venjulegar skammtastærðir10mg einu sinni á dag. Töflurnar á að gleypa í heilu lagi með glasi af vatni um það bil sama tíma á hverjum degi, annaðhvort alltaf með eða alltaf án matar.
Hversu langur tími uns verkun kemur framEinstaklingsbundið.
VerkunartímiEinstaklingsbundinn.
Þörf á að breyta mataræði meðan lyfið er tekiðEkki skal neyta greipaldinsafa eða greipaldins meðan á meðferð stendur.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistEf þú gleymir skammti skaltu taka næsta skammt eins og venjulega. Ekki á að tvöfalda skammt til að bæta upp töflu sem gleymst hefur að taka
Hvernig á að hætta töku lyfsinsEkki hætta töku lyfsins nema í samráði við lækni.
Ef tekinn er of stór skammturEf of stór skammtur af lyfinu hefur verið notaður, eða ef barn hefur í ógáti tekið inn lyfið skal hafa samband við lækni, sjúkrahús eða eitrunarmiðstöð (sími 543 2222).
LangtímanotkunFylgjast þarf reglulega með líðan sjúklingsins og taka blóðprufur til að athuga fjölda blóðfrumna, fylgjast með nýrna- og lifrarstarfsemi, blóðfitu og blóðsykri.

Aukaverkanir

Aukaverkanir Everolimus WH eru margar og listinn hér að neðan er ekki tæmandi.

Algengar aukaverkanir (>1%):
  • Kláði
    Leitið til læknis
  • Meltingaróþægindi, ógleði, niðurgangur
    Leitið til læknis
  • Sár í munni
    Leitið til læknis
  • Þorsti, aukin þvaglát
    Leitið til læknis
  • Þreyta, lystarleysi
    Leitið til læknis
  • Blæðing
    Leitið strax til læknis
  • Sýkingar
    Leitið strax til læknis
  • Sykursýki kemur í ljós eða versnar (tíð þvaglát, þorsti, þreyta)
    Leitið strax til læknis
  • Þvagtregða
    Leitið strax til læknis

Milliverkanir

Varast skal notkun náttúrulyfsins Jóhannesarjurtar og lyfið getur haft áhrif á virkni bólusetningar. Látið lækninn eða lyfjafræðing vita um öll önnur lyf sem eru notuð, hafa nýlega verið notuð eða kynnu að verða notuð.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með mikið kólesteról í blóði
  • þú sért með ofnæmi fyrir virka efninu eða einhverju hjálparefnanna
  • þú sért með sykursýki
  • þú hafir farið í skurðaðgerð
  • þú takir einhver önnur lyf
  • þú sért með lifrarsjúkdóm
  • þú sért með sýkingu
MeðgangaÞað er ekki mælt með notkun lyfsins á meðgöngu. Konur á barneignaraldri skulu nota örugga getnaðarvörn meðan á meðferð stendur og í 8 vikur eftir að henni lýkur.
BrjóstagjöfÞað á ekki að vera með barn á brjósti meðan á meðferð stendur og ekki í 2 vikur eftir að síðasti skammtur var tekinn.
BörnLyfið er ekki ætlað börnum og unglingum yngri en 18 ára.
Eldra fólkVenjulegir skammtar.
AksturHver og einn verður að leggja mat á getu sína til aksturs
ÁfengiÍ litlu magni hefur áfengi ekki áhrif á virkni lyfsins.
ÍþróttirLeyft við æfingar og í keppni.
AnnaðEinungis sérfræðilæknar í krabbameinslækningum mega ávísa lyfinu.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.