Certican

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Certican

Opna mína lyfseðla
Lyf til ónæmisbælingar

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: EverolimusSkráð 1. apríl 2007

Certican er mjög öflugt ónæmisbælandi lyf sem er ætlað til að koma í veg fyrir að líkami fullorðins sjúklings sem undirgengst ígræðslu líffæris (nýra eða hjarta) hafni ígræddu líffæri. Virka efnið, everólímus, hefur það hlutverk að draga úr virkni ónæmiskerfisins með því að hamla frumufjölgun ónæmisfruma sem leiðir til þess að líkaminn hafni ekki nýja líffærinu. Með því dregur Certican úr mætti varnarkerfi líkamans þannig að hann ræðst ekki gegn nýja líffærinu heldur aðlagast það nýjum aðstæðum. Því geta alvarlegir fylgikvillar fylgt í kjölfarið, eins og sýkingar ásamt mörgum aukaverkum.

Tafla 0,25 mg Tafla

Notkun á lyfjum

LyfjaformTöflur til inntöku.
Venjulegar skammtastærðirSkammtar eru einstaklingsbundnir. Töflurnar takist inn í 2 skömmtum á dag, annaðhvort alltaf með mat eða alltaf án matar. Töflurnar gleypist heilar með vatnsglasi. Þær má ekki mylja.
Hversu langur tími uns verkun kemur framHámarksblóðþéttni kemur fram 1-2 klst. eftir inntöku.
VerkunartímiEinstaklingsbundinn.
Þörf á að breyta mataræði meðan lyfið er tekiðEkki skal neyta greipaldinsafa eða greipaldins meðan á meðferð stendur.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráði við lækni.
Ef tekinn er of stór skammturHafðu samband við lækni eða næstu bráðamóttöku tafarlaust.
LangtímanotkunSjúklingar á ónæmisbælandi lyfjum eiga í aukinni hættu á að fá sýkingar einkum af völdum tækifærissýkla Fylgjast þarf reglulega með líðan sjúklingsins, nýrnastarfsemi, blóðfitu og styrk lyfsins í blóði.

Aukaverkanir

Aukaverkanir Certican eru margar og listinn hér að neðan er ekki tæmandi, en ef þú finnur fyrir öðrum einkennum hafðu þá samband við lækninn þinn sem fyrst.

Algengar aukaverkanir (>1%):
  • Bólur í andliti
    Leitið til læknis
  • Hár eða lágur blóðþrýstingur
    Leitið til læknis
  • Kólesterólhækkun
    Leitið til læknis
  • Niðurgangur, ógleði, uppköst og kviðverkir
    Leitið til læknis
  • Sár gróa ekki eðlilega
    Leitið til læknis
  • Sýkingar
    Leitið til læknis
  • Verkir
    Leitið til læknis
  • Blóðtappar
    Leitið strax til læknis
  • Brisbólga: Hiti og kviðverkir
    Leitið strax til læknis
  • Hiti, slappleiki, lystarleysi og marblettir
    Leitið strax til læknis
  • Mæði, lungnabólga
    Leitið strax til læknis
Sjaldgæfar aukaverkanir (<1%):
  • Gula
    Leitið strax til læknis
  • Skert nýrna- og lifrarstarfsemi
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Varast skal notkun náttúrulyfsins Jóhannesarjurtar og lyfið getur haft áhrif á virkni bólusetningar.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú sért með hækkað kólesteról í blóði
  • þú sért með skerta lifrarstarfsemi
  • þú eigir við öndunarerfiðleika að stríða
MeðgangaTakmörkuð reynsla er af notkun lyfsins á meðgöngu. Ekki ætta að nota lyfið nema gagnsemi þess fyrir móður sé talin vega þyngra en áhætta fyrir fóstrið.
BrjóstagjöfEkki er vitað hvort lyfið berst í brjóstarmjólk og því ætti ekki að hafa barn á brjósti meðan á meðferð stendur.
BörnLyfið er ekki ætlað börnum því ekki er næg reynsla af notkun þess.
Eldra fólkTakmörkuð reynsla er af notkun lyfsins hjá öldruðum.
AksturLyfið hefur ekki áhrif á aksturshæfni.
ÁfengiEkki ætti að neyta áfengis á meðan meðferð stendur.
ÍþróttirLeyft við æfingar og í keppni.
AnnaðForðast skal útfjólubláageisla og sólarljós, auk þess sem ráðlegt er að nota viðeigandi sólarvörn. Sjúklingar sem fá ónæmisbælandi meðferð með fleiri en einu lyfi, þar á meðal Certican, eru í aukinni hættu á að fá eitlaæxli eða aðra illkynja sjúkdóma, einkum í húð. Takmarkaðar upplýsingar benda til að þeldökkir sjúklingar kunni að þurfa stærri skammta af lyfinu til að ná sambærilegri verkun og hvítir. Einungis sérfræðilæknar sem hafa reynslu af meðferð sjúklinga eftir líffæraígræðslu mega ávísa lyfinu.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.