Ezetimib/Simvastatin Krka

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Ezetimib/Simvastatin Krka

Opna mína lyfseðla
Blóðfitulækkandi lyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: Ezetimíb, SimvastatínSkráð 1. október 2019

Ezetimib/simvastain, sem inniheldur virku efnin ezetimíb og simvastatín, er gefið sjúklingum með of hátt kólesteról í blóði. Það er notað til að meðhöndla arfblendna og arfhreina ættgenga kólesterólhækkun sem og kólesterólhækkun sem ekki er ættgeng. Lyfið er gefið þar sem notkun samsetts lyfs er talin viðeigandi. Ezetimíb tilheyrir nýjum flokki fitulækkandi lyfja sem hindra sértækt frásog kólesteróls og skyldra jurtasteróla úr þörmum. Það leiðir til minni flutnings kólesteróls frá þörmum til lifrar. Simvastatín er statín-lyf sem dregur úr myndun kólesteróls í lifrinni og saman veita þessi lyf viðbótarlækkun kólesteróls.

Tafla mg Tafla

Notkun á lyfjum

LyfjaformTöflur til inntöku.
Venjulegar skammtastærðir1 tafla að kvöldi. Hver tafla inniheldur 10 mg ezetimíb og 20 eða 40 mg simvastatín.
Hversu langur tími uns verkun kemur framUm 1-2 klst.
VerkunartímiEkki að fullu þekktur.
Þörf á að breyta mataræði meðan lyfið er tekiðMinni fituneysla er hluti af meðferðinni, bæði fyrir og meðan á meðferð stendur. Forðast skal að drekka greipaldinsafa meðan á meðferð með Ezetimib/Simvastatin stendur.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráði við lækni, annars er hætta á því að sjúkdómur versni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða ef vart verður við einhver óvenjuleg einkenni skal hafa samband við lækni. Eitrunarmiðstöð sími:543 2222
LangtímanotkunUpplýsingar um áhrif af langtímanotkun eru ekki fyrir hendi.

Aukaverkanir

Lyfið þolist almennt vel og aukaverkanir þess eru venjulega vægar og tímabundnar.

Algengar aukaverkanir (>1%):
  • Höfuðverkur
    Leitið til læknis
  • Kviðverkir, niðurgangur, vindgangur
    Leitið til læknis
  • Þróttleysi
    Leitið til læknis
Sjaldgæfar aukaverkanir (<1%):
  • Gula
    Leitið til læknis
  • Hiti, slappleiki, lystarleysi og marblettir
    Leitið strax til læknis
  • Verkir, eymsli og máttleysi í vöðvum
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Náttúrulyfið Jóhannesarjurt getur dregið úr virkni lyfsins.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með of- eða vanvirkan skjaldkirtil
  • þú sért með ofnæmi fyrir virka efninu eða einhverju hjálparefnanna
  • þú sért með skerta lifrar- eða nýrnastarfsemi
  • þú takir einhver önnur lyf
  • þú hafir átt við áfengisvandamál að stríða
  • þú sért með sögu um vöðvakvilla, eða fjölskyldusaga um ættgengan vöðvakvilla
  • þú sért með sögu um vöðvaeitrun vegna notkunar statíns eða fíbrats
MeðgangaLyfið getur valdið fósturskemmdum og því á ekki að nota það á meðgöngu.
BrjóstagjöfEkki er vitað hvort lyfið berst í brjóstamjólk.
BörnLyfið er ekki ætlað börnum.
Eldra fólkVenjulegar skammtastærðir.
AksturLyfið hefur ekki áhrif á aksturshæfni.
ÁfengiGetur aukið líkur á lifrarvandamálum. Gæta ætti hófsemi í áfengisdrykkju.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.