Repaglinid Krka

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Repaglinid Krka

Opna mína lyfseðla
Sykursýkilyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: RepaglíníðSkráð 1. nóvember 2011

Repaglinid Krka inniheldur virka efnið repaglíníð og er við sykursýki. Sykursýki stafar af skorti á insúlíni (tegund I, eða insúlínháð sykursýki) eða minnkuðum áhrifum þess (tegund II, eða insúlínóháð sykursýki). Insúlín er hormón sem myndast í briskirtli og þarf að vera til staðar í líkamanum til þess að sykur í blóði komist inn í frumur þar sem hann nýtist sem orkugjafi. Repaglíníð er notað við sykursýki af tegund II, en hefur ekki áhrif á insúlínháða sykursýki. Það er aðeins notað þegar breytt mataræði, megrun eða líkamsþjálfun nægir ekki til að hafa stjórn á blóðsykri. Verkunarmáti þess er að örva losun insúlíns frá briskirtli og lækka þar með blóðsykur. Repaglíníð er einnig hægt að nota samtímis metformíni (virka efnið í Glucophage)hjá sjúklingum með sykursýki af gerð II þegar viðunandi blóðsykursstjórn hefur ekki náðst með metformíni einu sér. Repaglíníð má gefa samtímis insúlíni, sjúklingum með sykursýki af gerð II, þegar nægur árangur hefur ekki náðst með súlfonýlúrealyfjum eða repaglíníði eingöngu. Skráð súlfónýlúrea lyf hér á landi eru glíbenklamíð (Daonil), glípízíð (Mindiab), glíklazíð (Diamicron) og glímepíríd (Amaryl, Glimeryl). Alvarlegar aukaverkanir af völdum repaglíníðs eru sjaldgæfar. Helsti galli lyfsins er sá að í stórum skömmtum getur það valdið of mikilli lækkun blóðsykurs, sem gæti reynst alvarlegt ástand. Óreglulegar máltíðir, mikil áreynsla og neysla áfengis auka hættuna á þessu.

Tafla 0,5 mg Tafla

Notkun á lyfjum

LyfjaformTöflur til inntöku.
Venjulegar skammtastærðir0,5-4 mg í senn allt að 4 sinnum á dag fyrir aðalmáltíðir. Töflurnar gleypist með vatnsglasi.
Hversu langur tími uns verkun kemur framInnan við 30 mín. Hámarks blóðþéttni næst innan 1 klst. eftir inntöku.
VerkunartímiInnan við 4 klst. eftir stakan skammt.
Þörf á að breyta mataræði meðan lyfið er tekiðBreytt mataræði og minnkuð sykurneysla er hluti af meðferð.
GeymslaGeymist í lokuðum og upprunalegum umbúðum við stofuhita, varið ljósi, þar sem börn hvorki ná til né sjá.
Ef skammtur gleymistSlepptu þeim skammti sem gleymdist og haltu áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsSykursýki getur versnað þegar töku lyfsins er hætt. Ekki hætta töku lyfsins nema í samráði við lækni.
Ef tekinn er of stór skammturHafðu samband við lækni í öllum tilfellum. Ef sjúklingur missir meðvitund skal leita neyðarhjálpar þegar í stað.
LangtímanotkunÁn vandkvæða. Vegna sykursýkinnar er þó æskilegt að fylgjast reglulega með sykri í blóði eða þvagi. Einnig getur þurft að fylgjast með sjón og lifrar-, nýrna- og hjartastarfsemi.

Aukaverkanir

Lyfið getur valdið of mikilli lækkun á blóðsykri. Einkenni um lágan blóðsykur eru aukin svitamyndun, hungurtilfinning, hraður hjartsláttur, sjóntruflanir, sljóleiki, rugl, höfuðverkur, kuldatilfinning eða uppköst.

Algengar aukaverkanir (>1%):
  • Kviðverkir, niðurgangur
    Leitið til læknis
Sjaldgæfar aukaverkanir (<1%):
  • Gula
    Leitið til læknis
  • Of lágur blóðsykur
    Leitið til læknis
  • Sjóntruflanir
    Leitið til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

MAO-hemlar (geðdeyfðarlyf), ósértækir beta-blokkar og ACE-hemlar (hjartalyf), salisýlöt (verkjalyf), bólgueyðandi verkjalyf (NSAID), áfengi og vefaukandi sterar geta aukið blóðsykurslækkandi áhrif repaglíníðs. Getnaðarvarnarlyf til inntöku, tíazíð (þvagræsilyf), barksterar, skjaldkirtilshormón og adrenvirk lyf geta dregið úr blóðsykurslækkandi áhrifum repaglíníðs. Náttúrulyfið Jóhannesarjurt getur haft áhrif á virkni lyfsins. Þegar einstaklingar sem taka repaglíníð byrja eða hætta töku einhverra þessara efna þarf að fylgjast grannt með blóðsykurstjórn.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaTakmörkuð reynsla er af notkun lyfsins hjá þunguðum konum.
BrjóstagjöfEkki er vitað hvort lyfið berst í brjóstamjólk.
BörnLyfið er ekki ætlað börnum yngri en 18 ára.
Eldra fólkTakmörkuð reynsla er af notkun lyfsins fyrir 75 ára og eldri.
AksturLyfið hefur ekki áhrif á aksturshæfni en ef merki eru um of lágan blóðsykur ætti ekki að stjórna ökutæki.
ÁfengiGetur valdið lækkun á blóðsykri. Einkenni um lækkaðan blóðsykur líkjast að sumu leyti áhrifum áfengis en það minnkar líkur á því að einkennin þekkist og að rétt sé brugðist við þeim. Sjúklingar sem nota lyfið ættu því ekki að neyta áfengis.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.