Nitroglycerin DAK

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Nitroglycerin DAK

Opna mína lyfseðla
Hjartasjúkdómalyf

Lausasölulyf

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: Glýcerýlnítrat (nítróglýserín)Skráð 1. maí 2011

Glýcerýlnítrat, virka efnið í Nitroglycerin DAK, er æðavíkkandi efni sem hefur mest áhrif á bláæðar og kransæðar. Víkkun bláæða veldur því að blóðflæði til hjartans minnkar en þá dregur úr álagi á hjartað og súrefnisþörf hjartavöðvans. Víkkun kransæða veldur auknu blóðflæði um hjartavöðva. Nitroglycerin DAK tungurótartöflur eru notaðar við bráðri hjartaöng.

Tafla 0,25 mg Tafla

Notkun á lyfjum

LyfjaformTungurótartöflur til inntöku.
Venjulegar skammtastærðir0,25-0,50 mg í senn við fyrstu einkennum, á 5 mín. fresti eftir þörfum, mest 3 töflur á 15 mín.
Hversu langur tími uns verkun kemur fram½-5 mín.
Verkunartími10-30 mín.
Þörf á að breyta mataræði meðan lyfið er tekiðEngin.
GeymslaGeymist í upprunalegum umbúðum við stofuhita þar sem börn hvorki ná til né sjá. Lyfið missir virkni sína hratt ef umbúðir eru opnaðar oft eða þær hafðar opnar lengi.
Ef skammtur gleymistEf lyfið er tekið að staðaldri og skammtur gleymist skaltu fara eftir leiðbeiningum læknis í hverju tilfelli fyrir sig.
Hvernig á að hætta töku lyfsinsHjartaöng getur komið fram þegar töku lyfsins er hætt skyndilega eftir stöðuga notkun. Ekki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Stórir skammtar geta valdið svæsnum höfuðverk, svima, ógleði eða skertri meðvitund. Hafðu samband við lækni ef stórir skammtar eru teknir.
LangtímanotkunÁhrif lyfsins minnka að einhverju leyti með tímanum, sérstaklega ef það er mikið notað. Æskilegt er að fylgjast reglulega með blóðþrýstingi á meðan lyfið er notað.

Aukaverkanir

Flestar aukaverkanir lyfsins eru skammtaháðar, þ.e. tíðari eða verri eftir því sem skammtar eru stærri.

Algengar aukaverkanir (>1%):
  • Höfuðverkur, svimi
    Leitið til læknis
  • Hraður hjartsláttur
    Leitið til læknis
  • Lágur blóðþrýstingur
    Leitið til læknis
  • Máttleysistilfinning
    Leitið til læknis
  • Roði í andliti
    Leitið til læknis
  • Syfja
    Leitið til læknis
Sjaldgæfar aukaverkanir (<1%):
  • Sjóntruflanir
    Leitið til læknis

Milliverkanir

Lyf með blóðþrýstingslækkandi verkun, sefandi lyf og þvagræsilyf geta aukið blóðþrýstingslækkandi áhrif lyfsins.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með gláku
  • þú sért með lágan blóðþrýsting
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með ofvirkan skjaldkirtil
  • þú takir einhver önnur lyf
  • þú sért með gollurshússteppu
MeðgangaTakmörkuð reynsla er af notkun lyfsins hjá þunguðum konum. Lyfið má aðeins nota ef ávinningur fyrir móður vegur þyngra en hugsanleg áhætta fyrir fóstrið.
BrjóstagjöfEkki er vitað hvort lyfið berst í brjóstamjólk.
BörnLyfið er ekki ætlað börnum yngri en 15 ára án samráðs við lækni.
Eldra fólkViðkvæmara fyrir sumum aukaverkunum lyfsins.
AksturLyfið getur valdið svima og skertri aksturshæfni. Ekki aka bíl fyrr en reynsla er komin á það hvaða áhrif lyfið hefur.
ÁfengiEykur æðavíkkandi áhrif lyfsins og getur valdið blóðþrýstingsfalli. Ekki neyta áfengis meðan lyfið er tekið.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.