Anafranil

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Anafranil

Opna mína lyfseðla
Geðdeyfðarlyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: KlómípramínSkráð 1. mars 1977

Anafranil, sem inniheldur virka efnið klómípramín, er geðdeyfðarlyf. Það tilheyrir flokki þríhringlaga geðdeyfðarlyfja, sem eru svo nefnd vegna efnafræðilegrar byggingar sinnar. Lyf í þessum flokki voru þau fyrstu sem notuð voru við geðdeyfð en verkunarmáti og aukaverkanir þeirra flestra eru svipaðar. Þau hafa áhrif á flest einkenni geðdeyfðar, bæta skap, auka líkamlega virkni, bæta matarlyst og auka áhuga á daglegu lífi. Þessi áhrif koma aðeins fram hjá sjúklingum með geðdeyfð en sjást ekki ef heilbrigðir taka lyfin. Helstu gallar þríhringlaga geðdeyfðarlyfjanna eru þeir að aukaverkanir eru nokkuð tíðar og að töluverð hætta er á eiturverkunum ef mjög stórir skammtar eru teknir. Auk verkunar á geðdeyfð hefur klómípramín kvíðastillandi áhrif en það hefur minni róandi áhrif en flest önnur lyf í þessum flokki. Það er notað við geðdeyfð og kvíðatengdu þunglyndi og hefur einnig notagildi við þráhyggjusýki (obsessive-compulsive disorder) og sem hjálparmeðferð við langvarandi verkjum.

Tafla 25 mg Tafla

Notkun á lyfjum

LyfjaformTöflur til inntöku.
Venjulegar skammtastærðir25-150 mg á dag.
Hversu langur tími uns verkun kemur framGeðdeyfð: 2-3 vikur. Þráhyggjusýki: 4-10 vikur.
VerkunartímiEkki að fullu þekktur.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistEf lyfið er tekið í einum skammti að kvöldi skaltu ekki taka skammtinn morguninn eftir nema í samráði við lækni. Í öðrum tilvikum skaltu taka lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsSjúkdómseinkenni geta aftur komið fram þegar töku lyfsins er hætt. Ekki hætta töku lyfsins nema í samráði við lækni.
Ef tekinn er of stór skammturLeitaðu læknis í öllum tilvikum. Ef vart verður við einkenni eins og hjartsláttarónot, krampa eða skerta meðvitund skal leita neyðarhjálpar þegar í stað.
LangtímanotkunÁn vandkvæða. Ef munnþurrkur af völdum lyfsins er viðvarandi getur það skaðað tannhold og slímhúð í munninum.

Aukaverkanir

Algengasta aukaverkunin er munnþurrkur, sem allt að 50% þeirra sem taka lyfið finna fyrir. Aukaverkanir lyfsins eru tíðari eftir því sem skammtar eru stærri, eru verstar í upphafi meðferðar en mildast eða hverfa með áframhaldandi notkun.

Algengar aukaverkanir (>1%):
  • Aukin matarlyst, þyngdaraukning
    Leitið til læknis
  • Breytt bragðskyn
    Leitið til læknis
  • Brjóstastækkun, mjólkurflæði
    Leitið til læknis
  • Hitakóf, svitamyndun
    Leitið til læknis
  • Hjartsláttarónot
    Leitið til læknis
  • Höfuðverkur, sundl, svimi
    Leitið til læknis
  • Hreyfitruflanir, skjálfti, máltruflanir
    Leitið til læknis
  • Meltingartruflanir, niðurgangur
    Leitið til læknis
  • Munnþurrkur, hægðatregða
    Leitið til læknis
  • Ógleði, uppköst, lystarleysi
    Leitið til læknis
  • Sjóntruflanir
    Leitið til læknis
  • Skapgerðarbreytingar, rugl, svefntruflanir
    Leitið til læknis
  • Suð fyrir eyrum
    Leitið til læknis
  • Truflanir á kynhvöt og kyngetu
    Leitið til læknis
  • Þvaglátstruflanir
    Leitið til læknis
Sjaldgæfar aukaverkanir (<1%):
  • Gula
    Leitið til læknis
  • Hiti, slappleiki, lystarleysi og marblettir
    Leitið strax til læknis
  • Krampar
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Náttúrulyfið Jóhannesarjurt getur haft áhrif á virkni lyfsins.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með gláku eða hækkaðan augnþrýsting
  • þú sért með hjartasjúkdóm eða háan blóðþrýsting
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með stækkaðan blöðruhálskirtil eða eigir erfitt með þvaglát
  • þú hafir fengið krampa eða sért með flogaveiki
  • þú takir einhver önnur lyf
  • þú sért með langvarandi hægðatregðu
MeðgangaNokkur hætta er á því að lyfið hafi áhrif á fóstur.
BrjóstagjöfLyfið berst í brjóstamjólk og getur haft áhrif á barnið.
BörnLyfið er ekki ætlað börnum.
Eldra fólkAukin hætta er á aukaverkunum, minni skammtar eru notaðir.
AksturLyfið getur skert aksturshæfni. Ekki aka bíl fyrr en reynsla er komin á það hvaða áhrif lyfið hefur.
ÁfengiGetur aukið sljóvgandi áhrif lyfsins. Almennt er mælt gegn því að neyta áfengis samhliða meðferð með geðdeyfðarlyfjum.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.