Coversyl Novum

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Coversyl Novum

Opna mína lyfseðla
Lyf með verkun á renínangíótensín-kerfið

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: PerindóprílSkráð 1. ágúst 2011

Coversyl Novum, sem inniheldur virka efnið perindópríl, tilheyrir flokki lyfja sem kallast ACE-hemlar. Lyf í þessum flokki hamla myndun angíótensíns II en það er eitt öflugasta æðaþrengjandi efni í líkamanum. Auk æðaþrengjandi áhrifa minnkar angíótensín II útskilnað vatns í nýrum, við það eykst rúmmál blóðs og stuðlar þannig enn frekar að hækkun blóðþrýstingsins. Lyfin hindra líka niðurbrot á æðavíkkandi efni í líkamanum, bradýkíníni. Coversyl Novum er notað við háþrýstingi, til þess að minnka álag á hjartað hjá sjúklingum með hjartabilun og til að draga úr hættu á hjartaáfalli eftir kransæðasjúkdóm. Þvagræsilyf eru oft notuð samtímis perindópríli, sérstaklega þegar lyfið er gefið við hjartabilun.

Tafla 5 mg Tafla

Notkun á lyfjum

LyfjaformTöflur til inntöku.
Venjulegar skammtastærðir2,5-10 mg á dag að morgni fyrir máltíð. Töflurnar gleypist með vatnsglasi.
Hversu langur tími uns verkun kemur framHámarksáhrif koma fram eftir 4-6 klst.
VerkunartímiA.m.k. 24 klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita, varið raka, þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsÁstand getur versnað þegar töku lyfsins er hætt. Æskilegt er að minnka skammta smám saman frekar en að hætta skyndilega. Ekki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða ef vart verður við óvenjuleg einkenni skal hafa samband við lækni.
LangtímanotkunÁn vandkvæða. Æskilegt er að fylgst sé reglulega með nýrnastarfsemi og jafnvægi salta í líkamanum.

Aukaverkanir

Algengar aukaverkanir (>1%):
  • Höfuðverkur, svimi, þróttleysi
    Leitið til læknis
  • Kviðverkir, niðurgangur og hægðatregða
    Leitið til læknis
  • Lágur blóðþrýstingur
    Leitið til læknis
  • Meltingartruflanir
    Leitið til læknis
  • Náladofi
    Leitið til læknis
  • Ógleði og uppköst
    Leitið til læknis
  • Sinadráttur
    Leitið til læknis
  • Sjóntruflanir
    Leitið til læknis
  • Suð fyrir eyrum
    Leitið til læknis
  • Truflun á bragðskyni
    Leitið til læknis
  • Útbrot, kláði
    Leitið til læknis
  • Þurr hósti
    Leitið til læknis
  • Mæði
    Leitið strax til læknis
Sjaldgæfar aukaverkanir (<1%):
  • Gula
    Leitið til læknis
  • Hækkun á blóðsykri
    Leitið til læknis
  • Hjartsláttartruflanir
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Perindópríl getur dregið úr kalíumtapi af völdum þvagræsilyfja og því skal hafa það í huga og fylgjast vel með kalíumþéttni í blóði hjá þeim sjúklingum sem fá kalíumsparandi þvagræsilyf eða taka kalíum inn aukalega. Samtímis notkun blóðþrýstingslækkandi lyfja, t.d. beta-blokka, getur aukið blóðþrýstingslækkandi áhrif perindópríls. Perindópríl getur aukið blóðsykurlækkandi áhrif insúlíns og sykursýkilyfja til inntöku.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með sykursýki
  • þú takir einhver önnur lyf
MeðgangaLyfið eykur líkur á fósturskaða sé það notað á meðgöngu.
BrjóstagjöfEkki er vitað hvort lyfið berst í brjóstamjólk.
BörnLyfið er ekki ætlað börnum.
Eldra fólkUpphafsskammtar eru oft minni.
AksturLyfið getur valdið svima og þar með haft áhrif á aksturshæfni. Ekki aka bíl fyrr en reynsla er komin á það hvaða áhrif lyfið hefur.
ÁfengiÁfengi getur haft óæskileg áhrif á blóðþrýsting og hjartsláttarhraða, og aukið líkur á aukaverkunum lyfsins. Ekki er æskilegt að neyta áfengis meðan lyfið er tekið.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.