Sildenafil Medical Valley

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Sildenafil Medical Valley

Opna mína lyfseðla
Þvagfæralyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: SíldenafílSkráð 1. mars 2018

Sildenafil er notað við stinningarvanda karla. Virka efnið síldenafíl minnkar niðurbrot á æðavíkkandi efni í getnaðarlim. Þetta æðavíkkandi efni myndast í limnum við kynferðislega örvun og því veldur lyfið ekki stinningu eitt sér heldur þarf örvun til þess að lyfið virki. Áhrif síldenafíls eru að mestu leyti bundin við æðar í getnaðarlimnum. Það getur haft einhver æðavíkkandi áhrif á öðrum stöðum í líkamanum, en í venjulegum skömmtum eru þau óveruleg. Síldenafíl er ekki ætlað öðrum karlmönnum en þeim sem eiga í vandræðum með stinningu. Lyfið er alls ekki ætlað konum.

Notkun á lyfjum

LyfjaformTöflur til inntöku.
Venjulegar skammtastærðir25-100 mg í senn einu sinni á dag. Lyfið er tekið 60 mín. fyrir samfarir. Töflurnar gleypist heilar með vatnsglasi.
Hversu langur tími uns verkun kemur fram10-40 mín.
Þörf á að breyta mataræði meðan lyfið er tekiðÁhrif lyfsins eru lengur að koma fram ef þú neytir fituríkrar fæðu áður en þú tekur lyfið.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistið er ekki tekið að staðaldri.
Hvernig á að hætta töku lyfsinsLyfið er ekki tekið að staðaldri. Hætta má töku þess hvenær sem henta þykir.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Þó eru meiri líkur á að aukaverkanir lyfsins komi fram eftir því sem stærri skammtar eru teknir. Ef teknir eru stórir skammtar eða ef vart verður við einhver óvenjuleg einkenni skal hafa samband við lækni.
LangtímanotkunEngin þekkt vandamál.

Aukaverkanir

Þær aukaverkanir sem hafa komið fram eru vægar og háðar skammtastærð lyfsins.

Algengar aukaverkanir (>1%):
  • Höfuðverkur, sundl
    Leitið til læknis
  • Meltingartruflanir
    Leitið til læknis
  • Nefstífla
    Leitið til læknis
  • Roði eða hitatilfinning í andliti
    Leitið til læknis
  • Sjóntruflanir
    Leitið til læknis
Sjaldgæfar aukaverkanir (<1%):
  • Útbrot, kláði
    Leitið til læknis
  • Yfirlið
    Leitið til læknis
  • Hjartsláttartruflanir, hraður hjartsláttur
    Leitið strax til læknis
  • Langvarandi stinning
    Leitið strax til læknis

Milliverkanir

Greipaldinsafi getur haft áhrif á virkni lyfsins.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • þú sért með blóðsjúkdóm
  • þú sért með hjarta- eða æðasjúkdóm
  • þú sért með langvarandi lifrar- eða nýrnasjúkdóm
  • þú sért með óeðlilegan getnaðarlim
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaLyfið er ekki ætlað konum.
BrjóstagjöfLyfið er ekki ætlað konum.
BörnLyfið er ekki ætlað börnum yngri en 18 ára.
Eldra fólkVenjulegar skammtastærðir.
AksturLyfið getur valdið svima og sjóntruflunum. Óráðlegt er að aka bíl fyrr en áhrif lyfsins eru liðin hjá.
ÁfengiÍ litlum skömmtum hefur áfengi ekki áhrif á verkun lyfsins. Áfengi getur þó dregið úr kyngetu.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.