Captopril mixtúra - forskriftarlyf

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Captopril mixtúra - forskriftarlyf

Opna mína lyfseðla
Lyf með verkun á renínangíótensín-kerfið

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: CaptóprílSkráð 1. febrúar 2017

Captopril mixtúra er forskriftarlyf lækna. Það þýðir að ekki eru gerðar sömu kröfur um merkingu, klínískar rannsóknir eða fylgiseðil eins og til skráðra lyfja. Því eru engar upplýsingar um lyfið í Sérlyfjaskrá. Captopril mixtúra sem inniheldur virka efnið kaptópríl, tilheyrir flokki lyfja sem kallast ACE-hemlar. Lyf í þessum flokki hamla myndun angíótensíns II, en það er eitt öflugasta æðaþrengjandi efni í líkamanum. Auk æðaþrengjandi áhrifa minnkar angíótensín II útskilnað vatns í nýrum, við það eykst rúmmál blóðs og stuðlar þannig enn frekar að hækkun blóðþrýstingsins. Lyfin hindra líka niðurbrot á æðavíkkandi efni í líkamanum, bradýkíníni. Katópríl er notað við háþrýstingi og hjartaöng og til þess að minnka álag á hjartað hjá sjúklingum með hjartabilun.

Notkun á lyfjum

LyfjaformMixtúra, lausn til inntöku.
Venjulegar skammtastærðirSamkvæmt fyrirmælum læknis.
Hversu langur tími uns verkun kemur framÁhrif á háþrýsting: innan 15 mín. en mestu áhrifin koma fram eftir 1 - 1,5 klst.
VerkunartímiUm 4-10 klst. En getur verið lengri hjá einstaklingum með skerta nýrnastarfsemi eða hjá fyrirburum/nýburum með óþroskaða nýrnastarfsemi.
Þörf á að breyta mataræði meðan lyfið er tekiðEngin.
GeymslaHristist fyrir notkun. Notist innan 30 daga frá opnun flöskunnar. Geymið þar sem börn hvorki ná til né sjá.
Ef skammtur gleymistEkki taka tvo skammta í einu.
Hvernig á að hætta töku lyfsinsÁstand getur versnað þegar töku lyfsins er hætt. Ekki hætta töku lyfsins nema í samráði við lækni.
Ef tekinn er of stór skammturHafið samband við lækni, sjúkrahús eða eitrunardeild Landspítala í síma 543 2222.
LangtímanotkunLyfið getur haft áhrif á nýrnastarfsemi og blóðfrumur. Fylgjast þarf reglulega með blóðmynd og þvagi meðan á meðferð stendur.

Aukaverkanir

Lyfið hefur ekki verið rannsakað með tilliti til aukaverkana. Leitaðu strax til læknis ef vart verður aukaverkana. Eftirfarandi aukaverkanir eru taldar hugsanlegar en listinn er ekki tæmandi.

Algengar aukaverkanir (>1%):
  • Hárlos
    Leitið til læknis
  • Kviðverkir, niðurgangur og hægðatregða
    Leitið til læknis
  • Munnþurrkur
    Leitið til læknis
  • Ógleði og uppköst
    Leitið til læknis
  • Svefntruflanir
    Leitið til læknis
  • Svimi
    Leitið til læknis
  • Truflun á bragðskyni
    Leitið til læknis
  • Þurr hósti
    Leitið til læknis
Sjaldgæfar aukaverkanir (<1%):
  • Gula
    Leitið til læknis
  • Hiti, slappleiki, lystarleysi og marblettir
    Leitið strax til læknis
  • Hjartsláttartruflanir
    Leitið strax til læknis
  • Svartar eða blóðugar hægðir, blóð í þvagi
    Leitið strax til læknis
  • Verkur fyrir brjósti
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Kaptópríl getur aukið blóðsykurlækkandi áhrif insúlíns og sykursýkilyfja til inntöku.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaLyfið eykur líkur á fósturskaða sé það notað á meðgöngu.
BrjóstagjöfLyfið berst í brjóstamjólk og getur haft áhrif á barnið.
BörnSamkvæmt fyrirmælum læknis.
Eldra fólkLyfið er ekki ætlað eldra fólki.
AksturLyfið getur valdið svima og þar með haft áhrif á aksturshæfni. Ekki aka bíl fyrr en reynsla er komin það á hvaða áhrif lyfið hefur.
ÁfengiÁfengi getur haft óæskileg áhrif á blóðþrýsting og hjartsláttarhraða, og aukið líkur á aukaverkunum lyfsins. Ekki er æskilegt að neyta áfengis meðan lyfið er tekið.
ÍþróttirLeyft við æfingar og í keppni.
AnnaðCaptopril mixtúra er forskriftarlyf lækna og því eru engar upplýsingar um lyfið í Sérlyfjaskrá.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.