Ramíl

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Ramíl

Opna mína lyfseðla
Lyf með verkun á renínangíótensín-kerfið

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: RamiprílSkráð 1. ágúst 2005

Ramíl, sem inniheldur virka efnið ramipríl, tilheyrir flokki lyfja sem kallast ACE-hemlar. Lyf í honum hamla myndun angíótensíns II, en það er eitt öflugasta æðaþrengjandi efni í líkamanum. Auk æðaþrengjandi áhrifa minnkar angíótensín II útskilnað vatns í nýrum, við það eykst rúmmál blóðs og stuðlar þannig enn frekar að hækkun blóðþrýstings. Lyfin hindra líka niðurbrot æðavíkkandi efnis í líkamanum, bradýkíníns. Ramíl er notað við háþrýstingi og til þess að minnka álag á hjartað hjá sjúklingum með hjartabilun. Þvagræsilyf eru oft gefin samtímis ramipríli, sérstaklega þegar lyfið er gefið við hjartabilun. Ramíl er einnig notað eftir bráða kransæðastíflu þegar hjartabilun er fyrir hendi og við nýrnakvilla hjá sjúklingum með eða án sykursýki. Lyfið hægir á skerðingu nýrnastarfseminnar og seinkar nýrnabilun.

Tafla 2,5 mg Tafla

Notkun á lyfjum

LyfjaformTöflur til inntöku.
Venjulegar skammtastærðir2,5-10 mg einu sinni á dag. Töflurnar gleypist heilar með vatnsglasi.
Hversu langur tími uns verkun kemur fram1-2 klst. Hámarksáhrif koma fram eftir 3-6 klst.
VerkunartímiA.m.k. 24 klst. við venjulega skammta.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsÁstand getur versnað þegar töku lyfsins er hætt. Æskilegast er að minnka skammta smám saman en að hætta skyndilega. Ekki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða ef vart verður við óvenjuleg einkenni skal hafa samband við lækni.
LangtímanotkunÁn vandkvæða.

Aukaverkanir

Meðal algengustu aukaverkana lyfsins eru hósti, svimi og höfuðverkur.

Algengar aukaverkanir (>1%):
  • Höfuðverkur, svimi
    Leitið til læknis
  • Hósti
    Leitið til læknis
  • Lágur blóðþrýstingur
    Leitið til læknis
  • Uppköst, niðurgangur
    Leitið til læknis
Sjaldgæfar aukaverkanir (<1%):
  • Gula
    Leitið til læknis
  • Þvagtregða
    Leitið til læknis
  • Hiti, slappleiki, lystarleysi og marblettir
    Leitið strax til læknis
  • Hjartsláttartruflanir, hraður hjartsláttur
    Leitið strax til læknis
  • Mæði
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Ramipríl getur dregið úr kalíumtapi af völdum þvagræsilyfja. Fylgjast ætti vel með kalíumþéttni í blóði hjá sjúklingum sem fá kalíumsparandi þvagræsilyf eða láta þá taka kalíum aukalega. Samtímis notkun blóðþrýstingslækkandi lyfja, t.d. beta-blokka, getur aukið blóðþrýstingslækkandi áhrif ramipríls. Ramipríl getur aukið blóðsykurlækkandi áhrif insúlíns og sykursýkilyfja til inntöku.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með lágan blóðþrýsting eða blóðrásartruflanir
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með sykursýki
  • þú takir einhver önnur lyf
  • þú sért með röskun á blóðhag
MeðgangaLyfið eykur líkur á fósturskaða og má alls ekki taka á meðgöngu.
BrjóstagjöfKonur með barn á brjósti eiga ekki að nota lyfið.
BörnLyfið er ekki ætlað börnum.
Eldra fólkMinni skammtar eru oft notaðir.
AksturLyfið getur valdið svima og þar með haft áhrif á aksturshæfni. Ekki aka bíl fyrr en reynsla er komin á það hvaða áhrif lyfið hefur.
ÁfengiÁfengi getur haft óæskileg áhrif á blóðþrýsting og hjartsláttarhraða, og aukið líkur á aukaverkunum lyfsins. Ekki er æskilegt að neyta áfengis meðan lyfið er tekið.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.