Prasugrel Krka

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Prasugrel Krka

Opna mína lyfseðla
Segavarnarlyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: PrasugrelSkráð 1. apríl 2019

Prasugrel Krka inniheldur virka efnið í prasugrel sem hefur blóðþynnandi áhrif. Það kemur í veg fyrir samloðun blóðflagna, sem er fyrsta skrefið í blóðstorknun og myndun á blóðtappa. Prasugrel lengir einnig blæðingartíma. Æðakölkun veldur æðaþrengingu og auknum líkum á því að blóðtappi nái að myndast. Prasugrel Krka, gefið samtímis acetylsalicylsýru, er ætlað til að koma í veg fyrir segamyndun hjá fullorðnum sjúklingum með brátt kransæðaheilkenni eða hjartadrep með ST-hækkun sem gangast undir tafarlausa eða síðbúna kransæðavíkkun.

Tafla 10 mg Filmuhúðuð tafla

Notkun á lyfjum

LyfjaformFilmuhúðaðar töflur til inntöku. Fáanlegar í 5 og 10 mg styrkleika.
Venjulegar skammtastærðir10 mg á dag, helst alltaf á sama tíma dags. Í upphafi eru tekin 60 mg sem hleðsluskammtur við bráðu kransæðaheilkenni. Ráðlögð meðferðarlengd er allt að 12 mánuðir. Prasugrel Krka má gefa með eða án matar. Ekki má mylja eða brjóta töflurnar.
Hversu langur tími uns verkun kemur framHámarks áhrif á samloðun blóðflagna koma fram á innan við 3 tímum.
VerkunartímiUm 5-9 dagar.
Þörf á að breyta mataræði meðan lyfið er tekiðEngin.
GeymslaGeymið við lægri hita en 30°C þar sem börn hvorki ná til né sjá. Geymið í upprunalegum umbúðum til varnar gegn raka.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsAukin hætta er á blóðtappamyndun þegar töku lyfsins er hætt. Ekki hætta töku lyfsins nema í samráði við lækni.
Ef tekinn er of stór skammturOfskömmtun getur lengt blæðingartíma. Ef of stór skammtur af lyfinu hefur verið notaður, eða ef barn hefur í ógáti tekið inn lyfið skal hafa samband við lækni, sjúkrahús eða eitrunarmiðstöð (sími 543 2222).
LangtímanotkunÁn vandkvæða, en reglulegt eftirlit hjá lækni er nauðsynlegt.

Aukaverkanir

Lyfið þolist almennt vel. Blæðing er algengasta aukaverkunin.

Algengar aukaverkanir (>1%):
  • Blóðnasir, marblettir, blæðing á stungustað
    Leitið til læknis
  • Kviðverkir, meltingartruflanir
    Leitið til læknis
  • Niðurgangur
    Leitið til læknis
  • Óeðlilegar blæðingar
    Leitið strax til læknis
  • Svartar eða blóðugar hægðir, blóð í þvagi
    Leitið strax til læknis
Sjaldgæfar aukaverkanir (<1%):
  • Gula
    Leitið til læknis
  • Hiti, slappleiki, lystarleysi og marblettir
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Ekki er æskilegt að gefa prasugrel samhliða warfaríni þar sem það getur aukið blæðingahættu. Einnig skal gæta varúðar við samhliða gjöf prasugrel og heparíns og segavarnarlyfja vegna hugsanlegrar hættu á aukinni blæðingahættu. Bólgueyðandi gigtarlyf geta valdið sárum í meltingarvegi og samhliða gjöf klópídógrels getur það aukið blæðingahættu. Náttúrulyfið ginkgo getur aukið blæðingahættu.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með langvarandi lifrar- eða nýrnasjúkdóm
  • þú sért með maga- eða skeifugarnarsár
  • þú sért með ofnæmi fyrir virka efninu eða einhverju hjálparefnanna
  • þú hafir blæðingartilhneigingu
  • þú takir einhver önnur lyf
  • skurðaðgerð eða aðgerð hjá tannlækni sé væntanleg
MeðgangaForðast skal notkun lyfsins hjá þunguðum konum.
BrjóstagjöfNotkun prasugrels er ekki ráðlögð samhliða brjóstagjöf.
BörnLyfið er ekki ætlað börnum yngri en 18 ára.
Eldra fólkNotkun Prasugrel Krka er almennt ekki ráðlögð hjá sjúklingum ≥75 ára.
AksturLyfið hefur óveruleg áhrif á aksturshæfni.
ÁfengiÆskilegt er að halda áfengisneyslu í lágmarki meðan lyfið er tekið.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.