Testosterone Teva

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Testosterone Teva

Opna mína lyfseðla
Karlhormón

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: TestósterónSkráð 16. febrúar 2023

Testósterón er karlhormón. Það myndast í mestu magni í eistum karla en líka í litlu magni í eggjastokkum kvenna og nýrnahettum hjá báðum kynjum. Hormónið hefur áhrif á líkamsbyggingu, kynfæri, fitudreifingu, efnaskipti og hárvöxt en hefur auk þess vefjauppbyggjandi verkun. Testosterone Teva er gefið karlmönnum ef lítið eða ekkert myndast af því í líkamanum, t.d. vegna sjúkdóma eða erfðagalla.

Notkun á lyfjum

LyfjaformStungulyf í vöðva.
Venjulegar skammtastærðir1000 mg í senn á 10-14 vikna fresti.
Hversu langur tími uns verkun kemur framEkki að fullu þekkt.
VerkunartímiEinstaklingsbundinn. Allt lyfið er að lágmarki 1 ár að losna úr lyfjaforminu.
Þörf á að breyta mataræði meðan lyfið er tekiðEngin. Lakkrís getur þó hugsanlega dregið úr áhrifum testósteróns.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsEinkenni testósterónskorts koma aftur þegar notkun lyfsins lýkur. Ekki hætta notkun lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef stórir skammtar eru notaðir eða ef vart verður við óvenjuleg einkenni skal hafa samband við lækni.
LangtímanotkunÞað þarf að taka blóðprufur og mæla styrk testósteróns í sermi reglulega. Eins þarf að fylgjast með blöðruhálskirtli og brjóstum.

Aukaverkanir

Aukaverkanir lyfsins stafa allar af almennum áhrifum karlhormóna, þær eru háðar skömmtum og meðferðarlengd. Algengasta aukaverkunin er verkur á stungustað.

Algengar aukaverkanir (>1%):
  • Aukin svitamyndun
    Leitið til læknis
  • Bólur og kláði í húð
    Leitið til læknis
  • Brjóstastækkun, eymsli í brjóstum
    Leitið til læknis
  • Erting á stungustað
    Leitið til læknis
  • Höfuðverkur, sundl
    Leitið til læknis
  • Kæfisvefn
    Leitið til læknis
  • Liðverkir
    Leitið til læknis
  • Niðurgangur
    Leitið til læknis
  • Verkur í eistum, truflun á starfssemi blöðruhálskirtils
    Leitið til læknis
  • Öndunarerfiðleikar
    Leitið strax til læknis
Sjaldgæfar aukaverkanir (<1%):
  • Gula
    Leitið til læknis
  • Taugaveiklun, aukin líkamsþyngd, langvinn og tíð stinning
    Leitið til læknis
  • Útbrot og mikill kláði
    Leitið til læknis

Milliverkanir

Testósterón getur aukið áhrif blóðþynnandi lyfja. Ekki er ráðlagt að gefa testósterón samhliða barksterum þar sem það eykur líkur á bjúgmyndun. Notkun andrógena (testósteróns) getur minnkað insúlínþörf hjá sykursjúkum.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun
  • þú sért með flogaveiki
  • þú sért með hjarta- eða æðasjúkdóm
  • þú sért með langvarandi lifrar- eða nýrnasjúkdóm
  • þú sért með mígreni
  • þú sért með ofnæmi fyrir virka efninu eða einhverju hjálparefnanna
  • þú sért með sjúkdóm í blöðruhálskirtli
  • þú sért með sykursýki
  • þú takir einhver önnur lyf
  • þú sért með krabbamein
  • þú sért með kæfisvefn
MeðgangaLyfið er ekki ætlað konum. Það getur aukið líkur á fósturskaða sé það notað á meðgöngu.
BrjóstagjöfLyfið er ekki ætlað konum.
BörnLyfið er ekki ætlað drengjum yngri en 18 ára.
Eldra fólkVenjulega ekki notað. Takmörkuð reynsla af notkun lyfsins hjá einstaklingum eldri en 65 ára.
AksturLyfið hefur ekki áhrif á aksturshæfni.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirBannað í og utan keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.