Depo-Medrol

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Depo-Medrol

Opna mína lyfseðla
Barksterar

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: MetýlprednisólónSkráð 1. desember 1972

Depo-Medrol inniheldur barksterann metýlprednisólón. Lyfið bælir myndun efna sem framkalla bólgur og virkja ónæmiskerfið og það hefur almennt sömu áhrif og svokallaðir sykursterar sem myndast í nýrnaberki. Depo-Medrol er notað við sjúkdómum sem valda miklum eða langvarandi bólgum, t.d. gigtveiki og astma, langvinnum húðsjúkdómum og alvarlegum ofnæmiseinkennum.

Notkun á lyfjum

LyfjaformStungulyf í lið og vöðva.
Venjulegar skammtastærðirMisjafnar eftir sjúkdómsástandi.
Hversu langur tími uns verkun kemur framMisjafnt eftir sjúkdómsástandi.
Verkunartími16 dagar eftir gjöf í lið.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistLæknir gefur yfirleitt lyfið. Hafðu samband við lækni ef skammtur gleymist.
Hvernig á að hætta töku lyfsinsEkki hætta notkun lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef vart verður við einhver óvenjuleg einkenni eða ef notaðir eru stórir skammtar skal hafa samband við lækni.
LangtímanotkunMeiri líkur eru á almennum aukaverkunum af völdum lyfsins þegar það er notað í langan tíma. Metýlprednisólón er yfirleitt notað í skamman tíma í senn.

Aukaverkanir

Aukaverkanir lyfsins eru yfirleitt háðar skammtastærð og tímalengd meðferðar. Eftirfarandi aukaverkanir geta komið fyrir við langvarandi notkun.

Sjaldgæfar aukaverkanir (<1%):
  • Beinþynning
    Leitið til læknis
  • Bjúgur, hækkaður blóðþrýstingur
    Leitið til læknis
  • Fitusöfnun í andliti og á bol
    Leitið til læknis
  • Skapgerðarbreytingar
    Leitið til læknis
  • Sýkingar og sár gróa hægar
    Leitið til læknis
  • Sykursýki versnar og dulin sykursýki getur brotist fram
    Leitið til læknis
  • Vaxtarhömlun hjá börnum
    Leitið til læknis
  • Vöðva- og húðrýrnun
    Leitið til læknis
  • Svartar eða blóðugar hægðir, blóð í þvagi
    Leitið strax til læknis

Milliverkanir

Bólusetningar og ónæmisaðgerðir ætti að forðast samhliða meðferð á barksterum. Barksterar geta valdið blóðsykurshækkun og getur því þurft að leiðrétta skammta sykursýkilyfja.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með gláku eða hækkaðan augnþrýsting
  • þú sért með hjartasjúkdóm
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með sykursýki
  • þú sért með vanvirkan skjaldkirtil
  • þú hafir einhvern tíma átt við geðræn vandamál að stríða
  • þú hafir fengið magasár
  • þú takir einhver önnur lyf
MeðgangaNokkur hætta er á því að lyfið hafi áhrif á fóstur.
BrjóstagjöfLyfið berst í brjóstamjólk og getur haft áhrif á barnið.
BörnSama notkun og hjá fullorðnum.
Eldra fólkMeiri hætta er á aukaverkunum. Minni skammtar eru oft notaðir.
AksturLyfið hefur ekki áhrif á aksturshæfni.
ÁfengiGetur aukið líkur á myndun magasárs af völdum metýlprednisólóns. Haltu neyslu áfengis í lágmarki meðan lyfið er tekið.
ÍþróttirBannað í keppni. Hægt er að sækja um einfaldaða undanþágu til Undanþágunefndar Lyfjaráðs ÍSÍ.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.