Diprospan

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Diprospan

Opna mína lyfseðla
Barksterar

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: BetametasónSkráð 15. september 1986

Diprospan inniheldur virka efnið betametasón. Betametasón er svokallaður barksteri og er notaður við bólgusjúkdómum og ofnæmiseinkennum. Það bælir myndun efna sem framkalla bólgur og virkja ónæmiskerfið og hefur almennt sömu áhrif og svokallaðir sykursterar sem myndast í nýrnaberki. Meðferð með Diprospan er gefin við ýmsum sjúkdómum, sem nýrnahettubarkarhormón verka á, t.d. ákveðnum húðsjúkdómum, ýmsum gerðum gigtsjúkdóma, bólgum í einum eða fleiri liðum, bólgu í sinaslíðrum og umhverfis þau og bráðum astmaköstum. Lyfið er einnig notað við skorti þegar líkaminn framleiðir ekki nægilega mikið af sykursterum.

Notkun á lyfjum

LyfjaformStungulyf í vöðva eða liði.
Venjulegar skammtastærðirMisjafnar eftir sjúkdómum og sjúkdómsástandi.
Hversu langur tími uns verkun kemur framMisjafnt eftir notkun og ástandi sjúklings.
VerkunartímiStungulyf í lið: Allt að 4 vikur.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistStungulyfið er alltaf gefið af lækni.
Hvernig á að hætta töku lyfsinsStungulyfið er alltaf gefið af lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Stórir skammtar í langan tíma geta leitt almennra aukaverkana. Hafðu samband við lækni ef vart verður við einhver óvenjuleg einkenni.
LangtímanotkunMeiri hætta er á að aukaverkanir lyfsins komi fram.

Aukaverkanir

Aukaverkanir lyfsins eru yfirleitt háðar skammtastærð og tímalengd meðferðar. Eftirfarandi aukaverkanir geta komið fyrir við langvarandi notkun.

Algengar aukaverkanir (>1%):
  • Alvarlegar sýkingar verða minna áberandi
    Leitið til læknis
  • Beinþynning
    Leitið til læknis
  • Höfuðverkur, svefnleysi
    Leitið til læknis
  • Húðþynning
    Leitið til læknis
  • Skapsveiflur
    Leitið til læknis
  • Sykursýki kemur í ljós eða versnar (tíð þvaglát, þorsti, þreyta)
    Leitið til læknis
  • Truflanir á tíðablæðingum
    Leitið til læknis
  • Vaxtarskerðing hjá börnum
    Leitið til læknis
  • Vaxtarskerðing hjá fóstrum
    Leitið til læknis
  • Vöðvamassi minnkar
    Leitið til læknis
  • Sýkingar
    Leitið strax til læknis
Sjaldgæfar aukaverkanir (<1%):
  • Andlit verður eins og tungl í fyllingu, breyting á fitudreifingu á líkamanum (Cushings-lík einkenni)
    Leitið til læknis
  • Aukin svitamyndun
    Leitið til læknis
  • Bjúgur, hækkaður blóðþrýstingur
    Leitið til læknis
  • Ofsakláði
    Leitið til læknis
  • Óskýr sjón
    Leitið til læknis
  • Hækkaður þrýstingur í höfði með miklum höfuðverk, krömpum, meðvitundarleysi og svima venjulega eftir meðferð. Hafið samband við lækni eða bráðamóttöku samstundis. Hringið jafnvel í 112.
    Leitið strax til læknis
  • Höfuðverkur, ógleði, sjónskerðing og regnbogasjón vegna hækkaðs augnþrýstings (gláka).
    Leitið strax til læknis
  • Of lágt kalíum í blóði (máttleysi og minnkaður kraftur í vöðvum, hjartsláttartruflanir)
    Leitið strax til læknis
  • Þroti í tungu, vörum og andliti (ofsabjúgur). HRINGDU Í 112.
    Leitið strax til læknis

Milliverkanir

Bólusetningar og ónæmisaðgerðir ætti að forðast samhliða meðferð á barksterum. Barksterar geta valdið blóðsykurshækkun og getur því þurft að leiðrétta skammta sykursýkilyfja.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • hvort þú sért með gláku
  • þú sért með blæðingartilhneigingu
  • þú sért með langvarandi lifrar- eða nýrnasjúkdóm
  • þú sért með magasár
  • þú sért með ofnæmi fyrir virka efninu eða einhverju hjálparefnanna
  • þú sért með sykursýki
  • þú sért með vanvirkan skjaldkirtil
  • þú sért með vöðvaslensfár (myasthenia gravis)
  • þú hafir einhvern tíma átt við geðræn vandamál að stríða
  • þú takir einhver önnur lyf
  • þú sért með veirusýkingu í auga
  • þú sért með graftarkýli eða aðrar bólgur
  • þú sért með ristilpoka
  • þú sért með berkla, einnig ef þú hefur einhvern tíma haft berkla
  • þú hefur tilhneigingu til blæðinga vegna of fárra blóðflagna
MeðgangaNokkur hætta er á því að lyfið hafi áhrif á fóstur.
BrjóstagjöfLyfið berst í brjóstamjólk en í venjulegum skömmtum er ólíklegt að það hafi áhrif á barnið.
BörnSömu eða minni skammtar og eru notaðir handa fullorðnum.
Eldra fólkVenjulegar skammtastærðir.
AksturLyfið hefur ekki áhrif á aksturshæfni.
ÁfengiGetur aukið líkur á myndun magasárs af völdum betametasóns. Haltu neyslu áfengis í lágmarki meðan lyfið er tekið.
ÍþróttirBannað í keppni. Hægt er að sækja um einfaldaða undanþágu til Undanþágunefndar Lyfjaráðs ÍSÍ.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.