Relpax

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Relpax

Opna mína lyfseðla
Mígrenilyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: EletriptanSkráð 1. október 2001

Relpax er notað í bráðri meðferð á höfuðverk af völdum mígrenikasta, með eða án fyrirboða. Eletriptan, virka efnið í lyfinu, virkar sérhæft á serótónínviðtaka í heilanum, en það dregur saman vissar æðar í heilanum. Víkkun sömu æða er meðal annars talin vera ein orsök mígrenis. Sýnt hefur verið fram á það að sé eletriptan tekið meðan á fyrirboðaeinkennum stendur kemur það ekki í veg fyrir höfuðverk. Þess vegna ætti aðeins að taka lyfið eftir að mígrenihöfuðverkurinn byrjar. Ekki skal taka lyfið fyrirbyggjandi við mígreni.

Tafla 40 mg Tafla

Notkun á lyfjum

LyfjaformTöflur til inntöku.
Venjulegar skammtastærðirRáðlagður dagskammtur er 40 mg, sem skal taka við fyrstu einkenni um verk. Taka má annan skammt ef einkenni koma aftur fram innan 24ra klst. en þó ekki innan 2ja klst. frá upphafsskammti. Heildarskammtur yfir daginn má ekki vera stærri en 80 mg og ekki skal taka lyfið oftar en 2svar á sólarhring. Töflurnar gleypist heilar með vatnsglasi.
Hversu langur tími uns verkun kemur framVerkun lyfsins kemur skjótt fram.
VerkunartímiLyfið hefur hámarksáhrif eftir 1½ klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistLyfið er aðeins tekið við mígreniverkjum, ekki að staðaldri.
Hvernig á að hætta töku lyfsinsLyfið er aðeins tekið á meðan mígreniverkur er að ganga yfir.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru mjög stórir skammtar eða vart verður við óvenjuleg einkenni skal hafa samband við lækni.
LangtímanotkunEletriptan er ekki notað að staðaldri, aðeins til þess að slá á mígreniköst.

Aukaverkanir

Algengar aukaverkanir (>1%):
  • Bakverkur eða vöðvaverkur
    Leitið til læknis
  • Hitakóf, svitamyndun
    Leitið til læknis
  • Höfuðverkur, svimi, skyntruflanir
    Leitið til læknis
  • Kviðverkir, meltingartruflanir
    Leitið til læknis
  • Munnþurrkur
    Leitið til læknis
  • Ógleði, sundl
    Leitið til læknis
  • Verkur fyrir brjósti, bólga í koki
    Leitið til læknis
  • Þróttleysi, svefnhöfgi
    Leitið til læknis
  • Hjartsláttartruflanir, hraður hjartsláttur
    Leitið strax til læknis
Sjaldgæfar aukaverkanir (<1%):
  • Gula
    Leitið til læknis
  • Útbrot, kláði, bjúgur og öndunarerfiðleikar
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með hjarta- eða æðasjúkdóm
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaTakmörkuð reynsla er af notkun lyfsins hjá þunguðum konum.
BrjóstagjöfLyfið berst í brjóstamjólk. Forðast skal brjóstagjöf í sólarhring eftir að lyfið er notað.
BörnLyfið er ekki ætlað börnum yngri en 18 ára.
Eldra fólkLyfið er ekki ætlað fólki eldra en 65 ára.
AksturLyfið getur valdið syfju eða svima. Ekki aka bíl fyrr en áhrif lyfsins eru liðin hjá.
ÁfengiGetur aukið sljóvgandi aukaverkanir lyfsins. Áfengi getur auk þess komið mígrenikasti af stað hjá sumum sjúklingum.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.