Citalopram STADA

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Citalopram STADA

Opna mína lyfseðla
Geðdeyfðarlyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: CítalópramSkráð 1. apríl 2018

Citalopram er geðdeyfðarlyf. Það tilheyrir flokki geðdeyfðarlyfja sem hafa sérhæfð áhrif á virkni taugaboðefnisins serótóníns í heila. Talið er að breytingar á starfsemi taugafrumna sem nota þetta boðefni séu hluti af orsökum geðdeyfðar. Eldri geðdeyfðarlyf eru ekki eins sérhæfð og hafa áhrif á fleiri boðefni. Citalopram og skyld lyf virðast hafa svipaða virkni og eldri lyfin á einkenni geðdeyfðar, þau bæta skap, auka líkamlega virkni, bæta matarlyst og auka áhuga á daglegu lífi. Nýrri lyfin hafa þó ekki eins róandi verkun og eru laus við margar alvarlegar aukaverkanir eldri lyfjanna. Einnig er minni hætta á eitrunum af völdum nýrri lyfjanna. Aftur á móti er líklegra að Citalopram og skyld lyf valdi höfuðverk, svefntruflunum, minnkaðri kynhvöt eða kyngetu og ógleði. Flestar þessar aukaverkanir eru verstar í upphafi meðferðar en mildast með tímanum. Citalopram er aðallega notað við geðdeyfð en getur einnig haft áhrif á ofsahræðslu (panic disorder).

Tafla 10 mg Tafla

Notkun á lyfjum

LyfjaformTöflur til inntöku.
Venjulegar skammtastærðir10-40 mg á dag. Töflurnar gleypist með vatnsglasi.
Hversu langur tími uns verkun kemur fram2-3 vikur.
VerkunartímiEkki að fullu þekktur.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistSlepptu skammtinum sem gleymdist og haltu áfram að taka lyfið eins og venjulega eftir það. Ekki taka tvo skammta í einu.
Hvernig á að hætta töku lyfsinsSjúkdómseinkenni geta aftur komið fram þegar töku lyfsins er hætt. Ekki hætta töku lyfsins nema í samráði við lækni.
Ef tekinn er of stór skammturEf of stór skammtur af lyfinu hefur verið tekinn, eða ef barn hefur í ógáti tekið inn lyfið skal hafa samband við lækni, sjúkrahús eða eitrunarmiðstöð (sími 543 2222). Stakir skammtar sem eru litlu stærri en venjulega ættu ekki að skapa vanda.
LangtímanotkunÁn vandkvæða.

Aukaverkanir

Algengasta aukaverkun lyfsins er ógleði, sem kemur fram hjá um 7% sjúklinga. Flestar aukaverkanir lyfsins eru verstar í upphafi meðferðar en mildast með tímanum. Ef þú færð svokallað serotónin heilkenni sem lýsir sér með einkennum eins og miklum æsingi, skjálfta, vöðvakippum og hita skaltu strax hafa samband við lækni og stöðva meðferð með Citalopram STADA.

Algengar aukaverkanir (>1%):
  • Aukin eða minnkuð matarlyst
    Leitið til læknis
  • Blæðingatruflanir
    Leitið til læknis
  • Breytt bragðskyn, aukin munnvatnsframleiðsla
    Leitið til læknis
  • Hiti, hrollur
    Leitið til læknis
  • Höfuðverkur, svimi, þreyta
    Leitið til læknis
  • Kviðverkir, hægðatregða
    Leitið til læknis
  • Meltingartruflanir, vindgangur
    Leitið til læknis
  • Minnkuð kynhvöt eða getuleysi
    Leitið til læknis
  • Munnþurrkur, aukin svitamyndun
    Leitið til læknis
  • Ógleði, uppköst, niðurgangur
    Leitið til læknis
  • Sjóntruflanir
    Leitið til læknis
  • Skjálfti
    Leitið til læknis
  • Taugaveiklun, óróleiki, svefntruflanir
    Leitið til læknis
  • Útbrot og mikill kláði
    Leitið til læknis
  • Þyngdarbreytingar
    Leitið til læknis
  • Hraður hjartsláttur, hjartsláttarónot
    Leitið strax til læknis
Sjaldgæfar aukaverkanir (<1%):
  • Krampar
    Leitið strax til læknis

Milliverkanir

Jóhannesarjurt og ginkgo geta haft áhrif á virkni lyfsins. Hjá sjúklingum með sykursýki getur meðferð með SSRI lyfjum haft áhrif á sykurstjórnun (blóðsykurslækkun eða blóðsykurshækkun). Nauðsynlegt getur verið að aðlaga skammta af insúlíni og/eða sykursýkislyfjum til inntöku.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú hafir átt í erfiðleikum með þvaglát
  • þú sért með hjartasjúkdóm
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaTakmörkuð reynsla er af notkun lyfsins hjá þunguðum konum.
BrjóstagjöfCitalopram berst í litlu magni yfir í brjóstamjólk. Ef þú tekur Citalopram skaltu leitaðu ráð hjá lækni áður en þú hefur brjóstagjöf.
BörnLyfið er ekki ætlað börnum.
Eldra fólkMinni skammtar eru notaðir.
AksturLyfið getur dregið úr dómgreind og viðbragðsflýti. Ekki aka bíl fyrr en reynsla er komin á það hvaða áhrif lyfið hefur.
ÁfengiÁhrif áfengis á lyfið eru ekki að fullu þekkt, því er óæskilegt að neyta áfengis meðan lyfið er tekið. Almennt er mælt gegn því að neyta áfengis samhliða meðferð með geðdeyfðarlyfjum.
ÍþróttirLeyft við æfingar og í keppni.
Annað 
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.