Methergin

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Methergin

Opna mína lyfseðla
Kvensjúkdómalyf

Lyfseðilsskylt

Verðflokkur G/0: Lyfið er niðurgreitt og fellur inn í greiðsluþrepakerfiðVirkt innihaldsefni: MetýlergómetrínSkráð 1. mars 1980

Metýlergómetrín, virka efnið í Methergin, er hálfsamtengd afleiða af ergotamíni. Það hefur sérhæfða verkun á leg og eykur samdrátt þess. Það hefur hins vegar veika verkun á æðar og blóðþrýstingur lækkar sjaldan. Á sjúkrahúsum er lyfið gefið sem stungulyf, hægt í bláæð til að auka samdrætti í legi, flýta fyrir losun fylgju og minnka blóðtap eftir fæðingu. Einnig er lyfið gefið hægt í æð við fæðingu í svæfingu til að fá fram kröftugum samdrætti í legi. Á töfluformi er lyfið líka gefið konum við lélegum samdrætti í legi og blæðingum eftir fæðingu.

Tafla 0,125 mg Tafla

Notkun á lyfjum

LyfjaformTöflur til inntöku og stungulyf í vöðva, í æð og undir húð.
Venjulegar skammtastærðirTöflur: 0,125 mg-0,25 mg í senn allt að 3svar á dag. Töflurnar takist inn með vatnsglasi. Stungulyfið er eingöngu notað á sjúkrahúsum.
Hversu langur tími uns verkun kemur framÁhrif eftir einn skammt af lyfinu koma í ljós eftir 30-60 sek. eftir gjöf í æð, 2-5 mín. eftir gjöf í vöðva og 5-10 mín. eftir inntöku.
VerkunartímiUm 4-6 klst. eftir stakan skammt.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráði við lækni.
Ef tekinn er of stór skammturStakir skammtar sem er litlu stærri en venjulega ættu ekki að skapa vanda. Ef vart verður við einhver óvenjuleg einkenni skal hafa samband við lækni.
LangtímanotkunLyfið er ekki ætlað til langtímanotkunar.

Aukaverkanir

Algengar aukaverkanir (>1%):
  • Háþrýstingur
    Leitið til læknis
  • Höfuðverkur
    Leitið til læknis
  • Kviðverkir
    Leitið til læknis
  • Útbrot, kláði
    Leitið til læknis
Sjaldgæfar aukaverkanir (<1%):
  • Hjartsláttartruflanir, hraður eða hægur hjartsláttur
    Leitið strax til læknis
  • Verkur fyrir brjósti
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með háþrýsting
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú sért með æðasjúkdóma
MeðgangaLyfið má ekki nota á meðgöngu.
BrjóstagjöfLyfið berst í brjóstamjólk og getur haft á áhrif á barnið. Konur með barn á brjósti mega ekki nota lyfið lengur en í 3 daga. Talið er að lyfið geti dregið úr mjólkurframleiðslu.
BörnLyfið er ekki ætlað börnum.
Eldra fólkLyfið er ekki ætlað eldra fólki.
AksturLyfið getur haft áhrif á hæfni til aksturs. Ekki aka bíl fyrr en reynsla er komin á það hvaða áhrif lyfið hefur.
ÁfengiEkki neyta áfengis meðan lyfið er tekið.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.