Tavneos

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Tavneos

Opna mína lyfseðla
Æxlishemjandi lyf og lyf til ónæmistemprunar

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: AvacopanSkráð 4. mars 2024

Tavneos er notað með öðrum lyfjum, rítúxímabi eða cýklófosfamíði, til meðferðar hjá fullorðnum sjúklingum með smám saman versnandi sjúkdóma af völdum bólgu í litlum æðum sem kallast hnúðaæðabólga eða smásæ fjölæðabólga. Tavneos inniheldur virka efnið avacopan sem er svokallaður magnaviðtakahemill. Avacopan hindrar virkni magnaviðtaka 5a sem að gegnur lykilhlutverki í örvun bólgu og dregur þannig úr bólgumyndun í æðum sem fram kemur við hnúðaæðabólgu og smásæja fjölæðabólgu.

Tafla 10 mg Hylki

Notkun á lyfjum

LyfjaformHylki til inntöku.
Venjulegar skammtastærðir30 mg (3 hylki) tvisvar á dag, að morgni og á kvöldin, með mat. Það má ekki mylja, tyggja eða opna hylkin.
Þörf á að breyta mataræði meðan lyfið er tekiðÞað á að forðast greipaldin og greipaldinsafa á meðan meðferð með lyfinu stendur.
GeymslaGeymið lyfið þar sem börn hvorki ná til né sjá.
Ef skammtur gleymistEf sjúklingur gleymir að taka skammt skal taka skammtinn eins fljótt og hægt er, nema minna en þrjár klukkustundir séu í næsta áætlaðan skammt. Ef skammtur er áætlaður innan þriggja klukkustunda á ekki að taka skammtinn sem gleymst hefur að taka.
Hvernig á að hætta töku lyfsinsÍ samráði við lækni.
Ef tekinn er of stór skammturHafa strax samband við lækni, sjúkrahús eða eitrunarmiðstöð (543 2222).

Aukaverkanir

Eins og við á um öll lyf getur þetta lyf valdið aukaverkunum en það gerist þó ekki hjá öllum. Listinn er ekki tæmandi, sjá fylgiseðil fyrir allar aukaverkanir.

Algengar aukaverkanir (>1%):
  • Höfuðverkur
    Leitið til læknis
  • Ógleði, uppköst, niðurgangur
    Leitið til læknis
  • Særindi í hálsi
    Leitið til læknis
  • Sýkingar
    Leitið til læknis
  • Mæði, lungnabólga
    Leitið strax til læknis
Sjaldgæfar aukaverkanir (<1%):
  • Ofnæmisviðbrögð, útbrot, kláði og öndunarerfiðleikar
    Leitið strax til læknis

Milliverkanir

Lyfið getur milliverkað við ýmis lyf, láttu lækni vita af öllum lyfjum sem þú tekur. Lyfið milliverkar við Jóhannesarjurt og því á ekki að nota hana á sama tíma og Tavneos.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • þú sért með hjartasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú sért með einhverja sýkingu
  • þú sért með lifrarsjúkdóm
  • þú sért með krabbamein
MeðgangaÞað má ekki nota lyfið á meðgöngu og það er ekki ætlað konum á barneignaraldri sem ekki nota getnaðarvarnir.
BrjóstagjöfRannsóknir eru ófullnægjandi. Læknir metur hvort hætti eigi brjóstagjöf eða stoppa meðferð með lyfinu.
BörnLyfið er ekki ætlað börnum.
Eldra fólkVenjulegir skammtar.
AksturLyfið hefur ekki áhrif á aksturshæfni.
AnnaðEinungis sérfræðilæknar í nýrnasjúkdómum mega ávísa lyfinu.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.