Emselex

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Emselex

Opna mína lyfseðla
Þvagfæralyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: DarífenacínSkráð 1. júlí 2005

Emselex er notað við einkennum bráðs þvagleka og/eða tíðri þvaglátaþörf sem fram kemur hjá sjúklingum með ofvirka þvagblöðru. Darífenacín, virka efni lyfsins, er sérstækur hindri á svonefnda kólínerga viðtaka og miðlar þannig slökun á sléttum vöðum er umlykja þvagblöðruna. Taugaboðefnið sem veldur samdrætti í þvagblöðruvöðvum hefur áhrif víðar í líkamanum. Margar aukaverkanir lyfsins, eins og munnþurrkur og hægðatregða, stafa af því að það dregur almennt úr áhrifum þessa boðefnis, þótt áhrifin verði alltaf mest á þvagblöðruvöðvann.

Tafla 7,5 mg Tafla

Notkun á lyfjum

LyfjaformForðatöflur til inntöku.
Venjulegar skammtastærðir7,5-15 mg í senn einu sinn á dag. Forðatöflurnar gleypist heilar með vatnsglasi. Má hvorki tyggja þær, brjóta né mylja.
Hversu langur tími uns verkun kemur framFull verkun lyfsins ætti að vera komin fram eftir 2ja vikna meðferð.
VerkunartímiUm 1 sólarhringur eftir stakan skammt.
Þörf á að breyta mataræði meðan lyfið er tekiðEngin. Greipaldinsafi getur haft áhrif á virkni lyfsins.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu
Hvernig á að hætta töku lyfsinsEkki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef stórir skammtar eru teknir eða ef vart verður við einhver óvenjuleg einkenni skal hafa samband við lækni.
LangtímanotkunÁn vandkvæða.

Aukaverkanir

Algengustu aukaverkanir lyfsins eru munnþurrkur og hægðatregða. Annars þolist lyfið almennt vel.

Algengar aukaverkanir (>1%):
  • Augnþurrkur
    Leitið til læknis
  • Höfuðverkur
    Leitið til læknis
  • Kviðverkir, hægðatregða og ógleði
    Leitið til læknis
  • Meltingartruflanir
    Leitið til læknis
  • Munnþurrkur
    Leitið til læknis
Sjaldgæfar aukaverkanir (<1%):
  • Bjúgur
    Leitið til læknis
  • Útbrot, kláði
    Leitið til læknis
  • Leggangabólga
    Leitið strax til læknis
  • Mæði
    Leitið strax til læknis
  • Verkur í þvagblöðru
    Leitið strax til læknis
  • Þvagfærasýkingar
    Leitið strax til læknis

Milliverkanir

Jóhannesarjurt getur minnkað virkni lyfsins.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með gláku
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með ristilbólgu
  • þú sért með vöðvaslensfár (myasthenia gravis)
  • þú sért með þvagtregðu
  • þú takir einhver önnur lyf
  • þú sért með hægðatregðu
  • þú sért með maga- eða vélindabakflæði
  • þú sért með taugakvilla
  • þú sért með þindarslit
MeðgangaTakmörkuð reynsla er af notkun lyfsins hjá þunguðum konum.
BrjóstagjöfLyfið berst í brjóstamjólk. Takmörkuð reynsla er af notkun lyfsins samhliða brjóstagjöf.
BörnLyfið er ekki ætlað börnum yngri en 18 ára.
Eldra fólkVenjulegar skammtastærðir.
AksturLyfið getur valdið sjóntruflunum og í sjaldgæfum tilfellum svefndrunga og þreytu. Ekki aka bíl fyrr en reynsla er komin á það hvaða áhrif lyfið hefur.
ÁfengiHamlar myndun vasópressíns í heiladingli og eykur þannig þvagmyndun. Æskilegt er að halda áfengisneyslu í lágmarki meðan lyfið er tekið.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.