Dutasteride/Tamsulosin Teva

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Dutasteride/Tamsulosin Teva

Opna mína lyfseðla
Þvagfæralyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: Dútasteríð, TamsúlósínSkráð 1. maí 2020

Dutasteride/Tamsulosin Teva er gefið karlmönnum með góðkynja stækkun á blöðruhálskirtli og þvagtregðu vegna hennar. Lyfið er notað til að draga úr áhættu á bráðri þvagteppu og þörf fyrir skurðaðgerð hjá fyrrnefndum karlmönnum. Stækkun blöðruhálskirtils er háð díhýdrótestósteróni, sem er virkara form karlhormónsins testósteróns. Dútasteríð, annað virka efnið í Dutasteride/Tamsulosin Teva, hindrar það að testósterón breytist í díhýdrótestósterón í líkamanum og vinnur þannig gegn vexti kirtilsins. Áhrif lyfsins á hárvöxt hafa ekki verið rannsökuð en hins vegar eru líkur til þess að lyfið minnki hártap og auki hárvöxt hjá karlmönnum með hármissi á höfði. Tamsúlósín, hitt virka efnið í Dutasteride/Tamsulosin Teva, veldur slökun á slíkri vöðvaspennu með því að blokka svonefnd alfa-viðtæki í líkamanum, sérstaklega í blöðruhálskirtli og þvagrás, með þeim afleiðingum að þvagflæði batnar. Athugið að lyfið getur í einstaka tilfellum valdið yfirliði, sérstaklega í upphafi meðferðar. Lyfið er ekki ætlað konum.

Notkun á lyfjum

LyfjaformHart hylki til inntöku. Hvert hart hylki inniheldur eitt mjúkt dútasteríðgelatínhylki og tamsúlósínperlur með breyttan losunarhraða.
Venjulegar skammtastærðirEitt hylki einu sinni á dag, taka skal hylkin u.þ.b. 30 mínútum eftir sömu máltíðina á hverjum degi. Hylkin skal gleypa heil og ekki tyggja eða opna þau.
Hversu langur tími uns verkun kemur framUm 1-6 mánuðir.
VerkunartímiUm 24 klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráði við lækni.
Ef tekinn er of stór skammturEf of stór skammtur af lyfinu hefur verið notaður, eða ef barn hefur í ógáti tekið inn lyfið skal hafa samband við lækni, sjúkrahús eða eitrunarmiðstöð (sími 543 2222). Stakir skammtar sem eru litlu stærri en venjulega ættu ekki að skapa vanda.
LangtímanotkunFylgjast þarf reglulega með sjúklingi meðan á meðferð stendur til að meta áhrif lyfsins og hugsanlegar aukaverkanir.

Aukaverkanir

Flestar aukaverkanir lyfsins eru vægar eða miðlungi slæmar og koma fyrir í æxlunarfærum. Tíðni aukaverkana lækkar með tímanum.

Algengar aukaverkanir (>1%):
  • Breytingar á kynhvöt
    Leitið til læknis
  • Brjóstastækkun og/eða eymsli hjá karlmönnum
    Leitið til læknis
  • Sundl
    Leitið til læknis
  • Truflun á sáðláti, getuleysi
    Leitið til læknis
Sjaldgæfar aukaverkanir (<1%):
  • Útbrot, kláði, bjúgur og öndunarerfiðleikar
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • þú sért með lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaLyfið er ekki ætlað konum.
BrjóstagjöfLyfið er ekki ætlað konum.
BörnLyfið er ekki ætlað börnum og unglingum.
Eldra fólkVenjulegar skammtastærðir.
ÁfengiÆskilegt er að halda áfengisneyslu í lágmarki meðan lyfið er tekið.
ÍþróttirBannað í og utan keppni.
AnnaðEkki má nota Dutasteride/Tamsulosin Teva hjá sjúklingum með réttstöðulágþrýsting og sjúklingum með verulega skerta lifrarstarfsemi.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.